سەمەي قالاسىندا كارانتين تالاپتارىن ساقتاماي ساۋنادا دەمالعان پوليسيا قىزمەتكەرلەرى جۇمىستان قۋىلدى. بۇل تۋرالى
شقو پوليسيا دەپارتامەنتىنىڭ قاۋىپسىزدىك باسقارماسى قىزمەتتىك تەرگەۋ جۇرگىزدى.
تەرگەۋ بارىسىندا بيىلعى جىلدىڭ 29 قاڭتارىندا ۋچاسكەلىك ينسپەكتورلار جەرگىلىكتى پوليسيا قىزمەتى بولىمشەسىنىڭ باسشىسى راشيت سۇڭعاتوۆپەن بىرگە سەمەيدەگى مونشادا بولعانى انىقتالدى.
"كارانتين تالاپتارىن بۇزعانى ءۇشىن ورتالىق پوليسيا ءبولىمىنىڭ جەرگىلىكتى پوليسيا قىزمەتى بولىمشەسىنىڭ باسشىسى راشيت سۇڭعاتوۆ قىزمەتىنەن بوساتىلدى.
ال قالعان ۋچاسكەلىك پوليسيا ينسپەكتورلارى قاتاڭ تارتىپتىك جاۋاپكەرشىلىككە تارتىلدى.
سونىمەن قاتار، ءوز مىندەتتەرىن ادال اتقارماعانى جانە جەكە قۇرامنىڭ باقىلاۋسىزدىعى ءۇشىن سەمەي پوليسيا باسقارماسى مەن سەمەي پوليسياسىنىڭ ورتالىق ءبولىمىنىڭ ءبىرقاتار لاۋازىمدى تۇلعاسى قىزمەتىنەن كەتتى"، دەلىنگەن شقو پوليسيا دەپارتامەنتى تاراتقان حابارلامادا.
مونشا كەشەنىندە بولعان پوليسيا قىزمەتكەرلەرىن اكىمشىلىك جاۋاپكەرشىلىككە تارتۋ ءۇشىن شقو سانيتارلىق-ەپيدەميولوگيالىق باقىلاۋ دەپارتامەنتىنە ءتيىستى ماتەريالدار جولداندى.
ەسكە سالا كەتەيىك، الەۋمەتتىك جەلىلەردە مونشادا دەمالىپ جۇرگەن ءبىر توپ سەمەي پوليسەيلەرىنىڭ سۋرەتى جاريالانعان.
كەيىننەن شقو پوليسيا دەپارتامەنتى اتالعان ىسكە قاتىستى قىزمەتتىك تەكسەرۋ باستاعانىن حابارلاعان.
پىكىر قالدىرۋ