بىلتىردان باستاپ قازاقستاندا بەيبىت جيىندار وتكىزۋ تۋرالى مۇلدە جاڭا زاڭ كۇشىنە ەندى. ەگەر بۇرىن قولدانىستا بولعان زاڭدا رۇقسات الۋ پروسەدۋراسى بولسا، جاڭا زاڭدا ميتينگ وتكىزۋ تۋرالى حابارلاسا جەتكىلىكتى. بۇل تۋرالى پرەزيدەنت ق.توقايەۆ باس پروكۋراتۋرانىڭ باسشىلىق قۇرامىمەن كەڭەستە ايتتى، دەپ حابارلادى پرەزيدەنتتىڭ باسپا ءسوز حاتشىسى بەرىك ءۋالي.
"سونىمەن قاتار، ءىرى قالالاردىڭ ورتالىقتارىندا بەيبىت جيىندارعا، ونىڭ ىشىندە، نارازىلىق اكسيالارىن وتكىزۋگە ارنايى ورىندار بەلگىلەنگەن. بۇل ءبىزدىڭ قوعامدى دەموكراتيالاندىرۋ جولىنداعى وتە ماڭىزدى قادام. بۇل ساياساتتى ءبىزدىڭ قوعامدا عانا ەمەس، شەتەلدەردە دە ءتۇسىندىرۋىمىز كەرەك. جيىن وتكىزگىسى كەلەتىندەر جاڭا زاڭعا باعىنۋعا مىندەتتى. ازاماتتاردىڭ بيلىككە قاتىستى ءوز ويىن ءبىلدىرۋ، سىني پىكىر ايتۋ قۇقىنان ەشكىم ايىرا المايدى. بۇل ولاردىڭ كونستيتۋسيالىق قۇقىعى جانە ول قاتاڭ تۇردە زاڭ اياسىندا ورىندالۋى كەرەك، دەدى پرەزيدەنت.
پىكىر قالدىرۋ