ءبىرىڭعاي جيناقتاۋشى زەينەتاقى قورى سالىمشىلار ءوتىنىمىنىڭ قابىلدانباۋ سەبەپتەرىن ءتۇسىندىردى.
وتىنىمدەردىڭ قابىلدانباۋ سەبەپتەرى:
- سومالار دۇرىس كورسەتىلمەگەن، ونىڭ ىشىندە زەينەتاقى جيناقتارىنىڭ سوماسى ارتىق كورسەتىلگەن.
- جەكە تابىس سالىعىن (جتس) تولەۋ ءتاسىلىن تاڭداۋ كەزىندە الۋعا سۇرانىس جاسالاتىن سومالار دۇرىس كورسەتىلمەگەن.
- سالىمشىلار الۋعا بولاتىن سوما شەگىندە ەمەس، زەينەتاقى جيناقتارىنىڭ بۇكىل سوماسىن كورسەتتى.
- وتىنىمدە وزەكتى ەمەس سومالار كورسەتىلگەن، ياعني سالىمشىلار ينۆەستيسيالىق تابىستىڭ نارىقتىق اۋىتقۋىنا بايلانىستى زەينەتاقى جيناقتارى سوماسىنداعى وزگەرىستەردى ەسكەرمەگەن.
- "بجزق" اق دەرەكتەر بازاسىندا جەكە زەينەتاقى شوتتارى جانە تيىسىنشە زەينەتاقى جيناقتارى جوق تۇلعالاردان دا وتىنىمدەر تۇسكەن.
- سالىمشىلار قايتالايتىن وتىنىمدەر بەرگەن.
قور باسپا ءسوز قىزمەتىنىڭ اقپاراتىنشا، 2021 جىلدىڭ 16 اقپانداعى جاعدايى بويىنشا بجزق-عا ۋاكىلەتتى وپەراتورلاردان تۇرعىن ءۇي جاعدايلارىن جاقسارتۋ ماقساتىندا ءبىرجولعى زەينەتاقى تولەمدەرىن جۇزەگە اسىرۋعا 134 709 ءوتىنىش كەلىپ تۇسكەن.
ونىڭ ىشىندە 5 420 ءوتىنىش جۇمىسقا قابىلدانسا، 42 579 ءوتىنىش زاڭناما تالاپتارىنا سايكەس كەلمەۋىنە بايلانىستى قابىلدانباعان.
جالپى سوماسى 469 ملرد تەڭگەگە 86 710 ءوتىنىش ورىندالدى، اتالعان سوما ۋاكىلەتتى وپەراتورلارعا اۋدارىلىپ، ءوتىنىش بەرۋشىلەردىڭ ارنايى شوتتارىنا ەسەپتەلدى. تولەمدەردىڭ ورتاشا سوماسى شامامەن 5،4 ملن تەڭگە.
پىكىر قالدىرۋ