ءبىر توپ مەحيكو تۇرعىندارى مەكسيكاداعى قازاقستان ەلشىلىگىنە حابارلاسىپ، قازاق ءتىلىن ۇيرەتەتىن كۋرس اشۋدى سۇراعان. بۇل تۋرالى جەلى قولدانۋشىسى ەركىن بايعابىل ۇلى facebook پاراقشاسىندا جازدى.
"ديپلوماتتارىمىز قازاق ءتىلىن ۇيرەنۋگە دەگەن قىزىعۋشىلىقتىڭ سەبەبىن سۇراسا:
– ديماشتىڭ فاناتىمىز، جاقسى كورەتىن ءانشىمىزدىڭ انا ءتىلىن ۇيرەنگىمىز كەلەدى، – دەپ جاۋاپ بەرىپتى.
بۇدان كەيىن ەلشىلىك دەرەۋ 3 ايلىق قازاق ءتىلى كۋرسىن ۇيىمداستىرادى. مەحيكولىقتار قازاق ءتىلىن يسپان تىلىندە ءتۇسىندىرىپ وقىتۋدى سۇرايدى. ساتىنە قاراي، ديپلوماتتارىمىز نازاربايەۆ ۋنيۆەرسيتەتىندە قىزمەت اتقاراتىن قازاق ءتىلىن ۇيرەنىپ العان مەكسيكالىق ساندرا ابيلا اتتى بويجەتكەندى تاۋىپ، كۋرستى جۇرگىزۋ جونىندە ءوتىنىش بىلدىرگەن. ول ءۇش اي بويى 100-گە جۋىق مەحيكولىقتارعا قازاق ءتىلىن ۇيرەتەدى.
ەندى ولار ەلشىلىكتىڭ قىزمەتكەرى العاش وسپانوۆقا حابارلاسىپ، قازاق ءتىلى كۋرسى جىل بويى وتسە دەگەن ءوتىنىش ايتىپ جاتىر ەكەن. وسىعان وراي ديپلومات الەمنىڭ 24 ءىرى قالاسىندا قازاق ءتىلىن ۇيرەتۋ سىنىبىن ۇيىمداستىرعان "وتانداستار قورىنىڭ" ماماندارىمەن كەڭەسىپ، بىرلەسكەن كۋرس اشۋدى ۇيىمداستىرۋعا كىرىسىپ كەتتى.
مىنە، ونەردىڭ قۇدىرەتى دەگەن وسى شىعار. ءبىز مىنا جاقتا مينيسترلەرىمىزدى قازاقشا سويلەتە الماي جۇرسەك، ديماشىمىزدىڭ ارقاسىندا سوناۋ سولتۇستىك امەريكاداعى مەحيكولىقتار انا ءتىلىمىزدى ۇيرەنىپ جاتىر. سوعان قاراعاندا، ولار ديماشتىڭ سول قۇرلىققا بارامىن دەگەنىن دە ءبىلىپ العان سىڭايلى. ءبىر كەم دۇنيە..." دەلىنگەن جازبادا.
پىكىر قالدىرۋ