«Nur Otan» سايلاۋدان كەيىن نەبارى ءبىر اي ىشىندە ءوزىنىڭ 216 سايلاۋالدى باعدارلاماسىن ىسكە اسىرۋ بويىنشا ءار جىلعا ناقتى كورسەتكىشتەرى بار جول كارتالارىن ازىرلەدى. ەلىمىزدىڭ وڭتۇستىك ءوڭىرىنىڭ تۇرعىندارى ءۇشىن اتقارىلاتىن ىستەر تۋرالى پارتيانىڭ باسپا ءسوز قىزمەتى حابارلادى.
تۇڭعىش پرەزيدەنت، پارتيا ليدەرى نۇرسۇلتان نازاربايەۆتىڭ تاپسىرماسى اياسىندا ءاربىر وڭىردە، قالا مەن اۋداندا جۇيەلى باقىلاۋدى قامتاماسىز ەتۋ ءۇشىن ناقتى نىسانالى ينديكاتورلار مەن مەرزىمدەر بەلگىلەنىپ، سونداي-اق وعان جاۋاپتى ورىنداۋشىلار ايقىندالدى.
ماسەلەن، جامبىل وبلىسىندا الداعى 5 جىلدا 986 كورسەتكىش پەن 102 ءىس-شارانى ورىنداۋ كوزدەلگەن. 2021 جىلى سايلاۋالدى باعدارلاما 19،3%-عا، 2022 جىلى – 39%-عا، 2023 جىلى – 58،9%-عا، 2024 جىلى – 79%-عا جانە 2025 جىلى 100%-عا ورىندالادى.
بيىلدىڭ وزىندە 1221 كم اۆتوجولدىڭ 295 شاقىرىمى، 697 كم سۋمەن جابدىقتاۋ جەلىسىنىڭ 266 شاقىرىمى جوندەلىپ، سالىنادى. 107 ەلدى مەكەننىڭ 20-سى گازبەن قامتاماسىز ەتىلەدى. 2022 جىلى 11 اۋىلدا، ال 2023 جىلى تاعى 25 ەلدى مەكەندە اۋىز سۋدى تازارتۋعا ارنالعان ۇڭعىمالار ورناتىلادى. كەلەسى جىلدىڭ سوڭىنا دەيىن قاتتى تۇرمىستىق قالدىقتاردى قايتا وڭدەۋ/جاعۋ زاۋىتىن سالۋ جوسپارلانۋدا. 5 جىل ىشىندە 84 مىڭ جۇمىس ورنى اشىلادى.
تۇركىستان وبلىسىندا 1623 كورسەتكىش پەن 7497 ءىس-شارانى ورىنداۋ جوسپارلانعان. 2021 جىلى وڭىرلىك سايلاۋالدى باعدارلاما 20،4%-عا، 2022 جىلى – 40،7%-عا، 2023 جىلى – 61،3%-عا، 2024 جىلى – 81%-عا جانە 2025 جىلى تولىعىمەن ىسكە اسىرىلادى.
وسى جىلدىڭ سوڭىنا دەيىن 21 379 پاتەردىڭ 6،2 مىڭنان استامى، 111 مەديسينالىق نىساننىڭ 13ء-ى، 266 مەكتەپتىڭ 85ء-ى، 236 سپورت نىسانىنىڭ 50ء-ى سالىنادى. جالپى، 40 مىڭ جۇمىس ورنىن، 152 جاڭا كاسىپورىن اشۋ جانە كەڭەيتۋ، 214 جاڭا تۋريستىك نىسان سالۋ جانە ت.ب. جوسپارلانعان.
قىزىلوردا وبلىسىندا جول كارتاسى اياسىندا 611 كورسەتكىش پەن 1776 ءىس-شارانى ورىنداۋ كوزدەلگەن. 2021 جىلى پارتيا باعدارلاماسى 21،7%-عا، 2022 جىلى – 42،1%-عا، 2023 جىلى – 61،9%-عا، 2024 جىلى – 79،5%-عا جانە 2025 جىلى 100%-عا ىسكە اسىرىلادى.
بيىل 1128 كم اۆتوجولدىڭ 396 شاقىرىمىن، 503 كم سۋمەن جابدىقتاۋدىڭ 29 شاقىرىمىن، 382 كم گازبەن جابدىقتاۋدىڭ 123 شاقىرىمىن سالۋ جانە رەكونسترۋكسيالاۋ جوسپارلانۋدا. 5 جىل ىشىندە 67 مىڭ جۇمىس ورنىمەن قامتاماسىز ەتۋ، 100 جاڭا تۋريستىك نىسان سالۋ كوزدەلىپ وتىر.
الماتى وبلىسىندا 1910 كورسەتكىش پەن 6256 ءىس-شارا بەكىتىلگەن. 2021 جىلى سايلاۋالدى باعدارلاما 20،1%-عا، 2022 جىلى – 40،4%-عا، 2023 جىلى – 61،2%-عا، 2024 جىلى – 80،6%-عا جانە 2025 جىلى 100%-عا ورىندالادى.
بيىل 72 مەديسينالىق نىساننىڭ 20-سى، 81 مەكتەپتىڭ 10-ى، جاستارعا ارنالعان 8 جاتاقحانانىڭ 3-ەۋى، 65 مادەنيەت نىسانىنىڭ 4-ەۋى، 18 سپورت نىسانىنىڭ 2-ەۋى سالىنادى. 2025 جىلعا دەيىن 134 مىڭ جۇمىس ورنى اشىلادى. 188،7 كم جەرگىلىكتى ماڭىزى بار اۆتوجولدار، 11،9 كم جىلۋمەن جابدىقتاۋ جەلىلەرى سالىنىپ، رەكونسترۋكسيالانادى، 99 ەلدى مەكەندە گاز تاراتۋ جەلىلەرى سالىنادى جانە ت. ب.
پىكىر قالدىرۋ