يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ قازاقستاندىقتار مەملەكەتتىك تۇرعىن ءۇي باعدارلامالارىنا تەك ءبىر-اق رەت قاتىسا الاتىنىن مالىمدەدى.
ءمينيستردىڭ ايتۋىنشا، 2020 جىلى رەسپۋبليكا بويىنشا 15 ملن 300 مىڭ ش.م. تۇرعىن ءۇي سالىنعان. ونىڭ 140 مىڭنان استامى پايدالانۋعا بەرىلگەن.
سونىمەن قاتار "وتباسى بانكى" بازاسىندا تۇرعىن ۇيمەن قامتاماسىز ەتۋ جونىندەگى ورتالىق قۇرىلادى. ول تۇرعىن ۇيگە مۇقتاجداردى ەسەپكە الۋدى، سونداي-اق تۇرعىن ءۇيدىڭ قولجەتىمدىلىك ساتىسىنا سايكەس تۇرعىن ءۇيدى كەزەككە قويۋ كۇنى بويىنشا ءبولۋدى ءبىر ورتالىقتاندىرىپ جۇزەگە اسىراتىن بولادى.
– تۇرعىن ۇيمەن قامتاماسىز ەتۋ جونىندەگى ورتالىقتىڭ بازاسى جەكە تۇلعالاردىڭ مەملەكەتتىك دەرەكقورلارىمەن ينتەگراسيالانادى. بازاعا قايتا ەنگىزۋگە جول بەرىلمەيدى، ازاماتتار مەملەكەتتىك باعدارلامالارعا ءبىر رەت قانا قاتىسا الادى، – دەدى ۇكىمەت وتىرىسىندا بەيبىت اتامقۇلوۆ.
پىكىر قالدىرۋ