جامبىل وبلىسىندا ورتتەن قازا تاپقان بالالاردىڭ تۋىستارى حالىقتان بولعان وقيعا جايلى ءسوز ەتە بەرمەۋدى ءوتىندى. بۇل تۋرالى KTK.KZ سايتى حابارلادى.
ابدىمالىكوۆتەر وتباسىنىڭ تۋىستارى وقيعاعا ەشكىمدى كىنالامايدى.
– بولعان جاعداي ەل تۇرعىندارىنىڭ قابىرعاسىن قايىستىرعانى جاسىرىن ەمەس. ءۇش كۇننەن بەرى قايعىدان قان جۇتقان وتباسىنا جەر-جەردەن كوڭىل ايتىلىپ جاتىر. ءبىراق وقىس وقيعاعا اناسىن، قالا بەردى اكىمدىكتى ايىپتاۋدان مەزى بولدىق، – دەدى قازا تاپقان بالالاردىڭ تۋىستارى.
تۋىستارىنىڭ ايتۋىنشا، وقىس وقيعا بولعان باسپانادا بەس بالاسىنان ايرىلعان وتباسى تۇرمايدى. سول سەبەپتى ولار ەرلى-زايىپتىنى جاڭا ۇيگە قونىستاندىرۋدى ۇيعارىپتى.
قارالى وتباسى مورالدىق، پسيحولوگيالىق كومەك بولماسا، قارجىلاي قولداۋ قاجەت ەمەسىن ايتتى. الايدا جىلۋ جيناۋعا نيەت بىلدىرگەن كوپشىلىككە العىسىن ءبىلدىردى.
ابدىمالىكوۆتەر وتباسىنىڭ تۋىستارى وزدەرىنىڭ دە ەرلى-زايىپتىعا باسپانا اپەرۋگە مۇمكىندىگى بار ەكەنىن جەتكىزدى. الايدا جاس وتباسىعا دەمەۋشىلەر پاتەر اپەرەتىن بولدى.
پىكىر قالدىرۋ