ەكىباستۇزدا كىسى قولىنان قازا تاپقان ەر ادامنىڭ كىم ەكەنى بەلگىلى بولدى

/image/2021/02/23/crop-136_6_446x594_7ac211c1-f99d-4451-b22d-92cbb3a1f67f.jpeg

پاۆلودار وبلىسى ەكىباستۇز قالاسىندا ءتۇرعىنۇي اۋلاسىندا كىسى قولىنان قازا تاپقان ەر ادامدى ارىپتەستەرى ءوز مىندەتتەرىن ادال اتقارعان قىزمەتكەر بولعانىن ايتتى.

مارقۇم جانات ماقسۇتوۆ "سيەۆەرنىە مەس" اق KEGOK فيليالىندا 4 رازريادتى جوعارى ۆولتتى جەلىلەردى جوندەۋ جونىندەگى ەلەكتر مونتەرى بولىپ جۇمىس ىستەگەن.

ارىپتەستەرى ونىڭ بۇل كاسىپورىندا اشىلعان كۇنىنەن باستاپ قىزمەت ەتەتىنىن ايتتى. ول جوعارى ۆولتتى جەلىلەردە جۇمىس ىستەۋ كەزىندە قولدانىلاتىن ارنايى تەحنيكانىڭ قىر-سىرىن جەتىك مەڭگەرگەن ەكەن.

ارىپتەستەرىنىڭ ايتۋىنشا، ول ءاردايىم ءوز مىندەتتەرىن وتە ادال اتقارعان. كەز كەلگەن ۋاقىتتا جوندەۋ پروفيلاكتيكالىق جانە اۆاريالىق-قالپىنا كەلتىرۋ جۇمىستارىنا قاتىسۋ ءۇشىن قىزمەت ورنىنا بارۋعا دايىن بولعان.

جۇمىسىنا سىڭىرگەن ەڭبەگى ءۇشىن ول ەنەرگەتيك كۇنىنە وراي ەكىباستۇز اكىمىنىڭ جانە كومپانيا فيليالىنىڭ قۇرمەت گراموتالارىمەن، سونداي-اق كومپانيانىڭ جيىرما جىلدىعىنا ارنالعان مەرەيتوي مەدالىمەن ماراپاتتالعان.

– ول نەبارى 60 جاستا ەدى. مەيىرىمدى، ۇقىپتى،  قاراپايىم، سابىرلى، جاناشىر ەدى. قيىن كەزدەردە ءارقاشان جولداستارىنىڭ جانىنان تابىلاتىن، – دەدى ارىپتەستەرى.

مارقۇم جانات ماقسۇتوۆ ەكى قىز بەن ءبىر ۇل تاربيەلەپ وتىر ەدى.

ەسكە سالساق، بۇگىن ەكىباستۇز قالاسىندا بەلگىسىز بىرەۋ ءتۇرعىنۇي اۋلاسىندا جۇرت كوزىنشە ەر ادامدى اتىپ ولتىرگەنى حابارلانعان.

وقي وتىرىڭىز:

♦ ەكىباستۇزداعى كىسى ءولىمى. كۇدىكتى زەينەتكەر ەكەنى حابارلاندى

 

پىكىر قالدىرۋ

قاتىستى ماقالالار