دەپۋتات بەكبولات تىلەۋحان ءماجىلىستىڭ جالپى وتىرىسىندا شەت مەملەكەتتەردە قىلمىس جاساپ، جازاسىن وتەپ جاتقان قازاقستاندىقتارعا قاتىستى ۇسىنىس ايتتى.
– كوشى-قون پروسەستەرىنىڭ جاعىمسىز تۇستارى دا بار. كەيدە ادامدار وكىنىشكە وراي، قىلمىس جاساپ، جازاسىن بوتەن ەلدە وتەپ جاتادى. قازاقستان مەن سولتۇستىك ماكەدونيا اراسىنداعى جاسالعان شارت سوتتالعان ادامداردى ءوز وتانىندا جازاسىن وتەۋ ءۇشىن ەكى مەملەكەت اراسىندا بەرۋ مۇمكىندىگىنە بايلانىستى ماسەلەلەردى رەتتەيدى.
باسقا ەلدە جاساعان قىلمىستىق قۇقىق بۇزۋشىلىق ءۇشىن باس بوستاندىعىنان ايىرىلعان ازاماتتارىمىزدىڭ جازاسىن وزدەرىنە جاقىن قوعامدىق ورتادا وتەۋ مۇمكىندىگى ادامدا بولۋعا ءتيىس. ەلدەن تىس جەردە قاماۋدا وتىرعان كەزدە ولار جاقىندارىمىن كەزدەسۋ قىپ-قىزىل شىعىن. ەكىنشىدەن، كەرەك-جاراقتاردى جەتكىلىكتى مولشەردە الۋ مۇمكىندىگىنەن ايىرىلىپ وتىرادى. بوتەن ورتادا جۇرگەندە تىلدىك كەدەرگىلەرگە تاپ بولادى. بۇل – وتە اۋىر جاعداي. وسى شارت سوتتالعانداردى بەرۋ ءۇشىن جاعداي جاساۋعا باعىتتالعان بارلىق ىقتيمال شارالاردى تولىق كولەمدە قامتيدى.
ءبىرىنشى كەزەكتە ازاماتتارىمىزعا جاسازىن ءوز وتانىندا وتەۋگە مۇمكىندىك بەرەدى. بۇگىن قاراستىرىپ وتىرعان زاڭ جوباسىندا ىزگىلىكتى قاعيداتتارىن ىسكە اسىرۋعا سوتتالعان ادامداردى قوعامعا امان-ەسەن قايتا بەيىمدەۋ ءۇشىن جاعداي جاساۋعا ىقپال ەتەتىنىنە كۇمانىم جوق، – دەدى دەپۋتات ب. تىلەۋحان.
پىكىر قالدىرۋ