پاۆلودار وبلىسى ەكىباستۇز قالاسىندا جۇرت كوزىنشە ەر ادامدى اتىپ ءولتىردى دەلىنگەن كۇدىكتى ۇستالدى. شۇعىل ىزدەۋ شارالارىنىڭ ناتيجەسىندە 65 جاستاعى ەر ادام ۇستالعان. بۇل تۋرالى پاۆلودار وبلىسى پوليسيا دەپارتامەنتىنىڭ باسشىسى نۇرلان ءماسىموۆ ءمالىم ەتتى.
بۇگىندە اتالعان ءىس بويىنشا قىلمىستىق كودەكستىڭ 99-بابى 1ء-بولىمى (كىسى ءولتىرۋ) بويىنشا سوتقا دەيىنگى تەرگەۋ باستالعان.
كەشە ەكىباستۇز قالاسى پوليسيا باسقارماسى تاڭعى 8.00-دەر شاماسىندا ساتپايەۆ كوشەسىندەگى № 12/6 ماڭىندا بەلگىسىز بىرەۋ ءتۇرعىنۇي اۋلاسىندا جۇرت كوزىنشە ەر ادامدى اتىپ ولتىرگەنى حابارلاعان. بۇل ءسات اۋلاداعى بەينەباقىلاۋ كامەرالارىنىڭ بىرىنە ءتۇسىپ قالعان.
ۆيدەودان بەلگىسىز بىرەۋدىڭ تاپانشامەن ەر ادامدى ەكى رەت اتقانىن كورۋگە بولادى.
ارتىنشا، قازا تاپقان ادام 1960 جىلى 24 تامىزدا تۋعان جانات ماكسۋتوۆا ەسىمدى كەگوگ كومپانياسىنىڭ ەلەكترومونتەرى ەكەنى انىقتالدى.
پىكىر قالدىرۋ