بىرككەن كورولدىكتىڭ سوعىس ۇشاقتارىن تاسىمالدايتىن اسكەري كەمە وڭتۇستىك جۇڭگو تەڭىزىنە كىردى. لوندوندا شىعاتىن The Telegraph گازەتى اقپاراتىنا سايكەس، بۇل ايماقتاعى جاعداي ۋشىعىپ تۇرعان كەز.  "وعان قوسا، 45 ءتيپتى ەكى جويعىش، 23 ءتيپتى ەكى فرەگات سوعىس كەمەسى، يادرولىق سۇڭگۋىر كەمە، Tide-كلاسس تانكەرى جانە "RFA Fort Victoria" اكەري كەمەسى بىرگە جۇرەدى" دەپ جازادى باسىلىم.

جاقىندا جۇڭگو "ەگەمەندىگىن قورعاۋ ءۇشىن قاجەتتى شارالاردى" قولداناتىنىن ەسكەرتتى جانە ايماققا كىرگەن شەتەلدىك كەمەلەرگە قارۋ قولداناتىنى تۋرالى بەيجىڭنىڭ زاڭ قابىلداپ جاتقانى توڭىرەگىندە اقپارات پايدا بولدى.

كورولدىكتىڭ قورعانىس جانە قاۋىپسىزدىكتى زەرتتەۋلەر ينستيتۋتىنىڭ بىرىككەن قىزمەتتەر ورتالىعىنىڭ  (RUSI) اعا اسسيستەنتى چارلز پارتون Telegraph باسىلىمىنا وپەراسيا بريتانيالىق تاسىمالداۋشىعا ءقاۋىپ ءتوندىرۋى مۇمكىن ەكەنىن مالىمدەدى.

–وڭتۇستىك جۇڭگو تەڭىزىندە جۇزەتىن كەمەلەردىڭ سانى كوبەيىپ جاتىر، سوندىقتان الدا شيەلەنىستى جاعدايلاردى كورەمىز. دەمەك، قاقتىعىستىڭ پايدا بولۋ ءقاۋپى جوعارى،–دەيدى ول.