Tesla كومپانياسىنىڭ باس ديرەكتورى يلون ماسك تۆيتتەردە قىزىقتى جازبا جاريالاۋىمەن تانىمال. ميللياردەر بۇل جولى وزىنە جازىلعان سىني تۆيتكە تەك "باكلاجان" ەمودزيمەن جاۋاپ بەردى.
سەيسەنبى كۇنى Euro Pacific Capital كومپانياسىنىڭ باس ديرەكتورى پيتەر شيفف ءوزىنىڭ تۆيتتەرىندە "يلون ماسك اكسيونەرلەردىڭ اقشاسىنان بيتكوين ساتىپ الۋعا 1،5 ميلليارد دوللار اقشا جۇمساعانىن جاريالاعاننان كەيىن، #Tesla اكسياسى 25 قاڭتارداعى ەڭ جوعارى دەڭگەيدەن 20 پايىز (قۇلادى)، ال بيتكوين ساتىپ العانىن جاريالاعاننان بەرى 16 پايىز تومەندەدى. ول باسقا ديرەكتورلار ۇلگى الاتىنداي مىسال ەمەس" دەپ جازدى.
وعان Tesla باس ديرەكتورى وعان ءبىر عانا باكلاجان ەمودزيمەن جاۋاپ بەردى.
ماسكتىڭ باكلاجان ەمودزيى 145،8 ميلليوننان استام "لايك" جينادى. ماسكتىڭ جازىلۋشىلارىنىڭ كوپشىلىگى Tesla باس ديرەكتورىنىڭ شيففكە قارسى جاۋابىن قولداعان.
شيفف سودان كەيىن ماسكقا "سىزدەي ينتەللەكتتى ادامنان مەن ويىن الاڭىندا ەستيتىن جاۋاپ ەمەس، نەعۇرلىم ويلاستىرىلعان جاۋاپ كۇتەر ەدىم. بۇل ءبىزدىڭ clubhouse-تا سۇحباتىمىز بولمايدى دەگەن ءسوز بە؟" دەپ جازدى.
دەگەنمەن بۇدان كەيىن ماسكتان جاۋاپ بولمادى.
پىكىر قالدىرۋ