قازاقستاندىق "ۇلىتاۋ" توبى لوس-اندجەلەستە ءوتىپ جاتقان حالىقارالىق The Djooky Music Awards بايقاۋىندا ءبىرىنشى ورىن الدى. بۇل تۋرالى توپ پروديۋسەرى، ءانشى ءقىدىرالى بولمان instagram پاراقشاسىندا حابارلادى.
"ۇلىتاۋ" توبى بايقاۋدا "جۇمىر قىلىش" كۇيىن ورىنداپ، روك-مەتالل ساناتى بويىنشا ءبىرىنشى ورىن العان.
– بۇكىلالەمدىك جەڭىس قۇتتى بولسىن، قازاق ەلى! مىڭ العىس، مىڭ تاعزىم! كۇمبىرلەگەن، تاسىپ-توگىلگەن كۇيلەرىمىزدى الەمنىڭ ساحناسىنا شىعارىپ، دومبىرامىزدى الامان بايگەلەرگە قوسىپ، باس جۇلدەلەر بۇيىرتقان اللاعا سانسىز ماداقتار بولسىن! ۇلكەن قولداۋ قورسەتىپ، تاڭعى 6:00-گە دەيىن "ۇلىتاۋ" توبىمەن بىرگە بولعان سىزدەرگە، قازاقستان ونەر جۇلدىزدارىنا، ءبىرتۇتاس قازاق ەلىنە مىڭ العىس، مىڭ تاعزىم! – دەپ جازدى ءقىدىرالى بولمان instagram الەۋمەتتىك جەلىسىندەگى پاراقشاسىندا.
پوسموترەت ەتۋ پۋبليكاسيۋ ۆ Instagram
