ماجىلىستەگى "Nur Otan" پارتياسى فراكسياسىنىڭ دەپۋتاتتارى ايگۇل نۇركينا مەن ۆەرا كيم جۇمىس ىستەيتىن جاستار ءۇشىن جالعا بەرىلەتىن پاتەرلەر قۇرىلىسىن قارجىلاندىرۋدى 2025 جىلعا دەيىن ۇزارتۋ باستاماسىن كوتەرىپ پرەمەر-مينيستر اسقار مامينگە دەپۋتاتتىق ساۋال جولدادى.

دەپۋتتاتتار تۇرعىن ۇي-كوممۋنالدىق دامۋدىڭ 2020-2025 جىلدارعا ارنالعان "نۇرلى جەر" مەملەكەتتىك باعدارلاماسىنا سايكەس، 2022 جىلدان باستاپ جۇمىس ىستەيتىن جاستار ءۇشىن جالعا بەرىلەتىن پاتەرلەر قۇرىلىسىن جىل سايىن قارجىلاندىرۋ قاراستىرىلماعانىن اتاپ ءوتتى.

"وسىعان بايلانىستى، مەملەكەتتىك باعدارلاماعا جۇمىس ىستەيتىن جاستار ءۇشىن جالعا بەرىلەتىن پاتەرلەر قۇرىلىسىن قارجىلاندىرۋدى 2025 جىلعا دەيىن ۇزارتۋ بولىگىندە وزگەرىستەر ەنگىزۋ قاجەت دەپ سانايمىز. وسى دەپۋتاتتىق ساۋالعا جاۋاپتى "قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى" كونستيتۋسيالىق زاڭنىڭ 27ء-شى بابىنا سايكەس جازباشا بەرۋىڭىزدى سۇرايمىز" دەلىنگەن دەپۋتاتتىق ساۋالدا.

2019-2020 جىلدارى جاس ماماندار مەن جاس وتباسىلارعا 4 مىڭعا جۋىق پاتەر بەرىلسە، بيىل نۇر-سۇلتان، الماتى جانە شىمكەنت قالالارىندا تاعى 3 مىڭ پاتەر ۇلەستىرىلەدى دەپ جوسپارلانعان.