باتىس قازاقستان وبلىسىندا ەر ادام ءوزىن ورتەپ جىبەردى، دەپ حابارلادى "موي گورود" سايتى.
سايت مالىمەتىنشە، وقيعا 2 ناۋرىزدا ساعات 16:40-تا بولعان. بقو تۇرعىنى وبلىستىق ءماسليحات عيماراتىندا ۇستىنە بەنزين قۇيىپ ءوزىن ورتەپ جىبەرگەن.
– الدىن الا مالىمەتتەر بويىنشا، 46 جاستاعى ەر ادام دەنساۋلىق ساقتاۋ باسقارماسىنىڭ شەشىمىمەن كەلىسپەگەن. قازىرگى ۋاقىتتا وقيعا ورنىندا پوليسيا قىزمەتكەرلەرى جۇمىس ىستەپ جاتىر. ەر ادام ءتىرى، دەنەسىن كۇيىك شالعان. باسقا ادامدار زارداپ شەكپەدى، – دەپ حابارلادى سەيسەنبى كۇنى وبلىستىق پوليسيا دەپارتامەنتىنىڭ باسپا ءسوز قىزمەتى.
دەنساۋلىق ساقتاۋ باسقارماسىنىڭ باسپا ءسوز قىزمەتى بۇل وقيعاعا كەيىنىرەك تۇسىنىكتەمە بەرۋگە ۋادە بەردى.
پىكىر قالدىرۋ