ابزال بەيسەنبەك ۇلى قارجى مينيسترلىگى اپپاراتىنىڭ باسشىسى قىزمەتىنە تاعايىندالدى. بۇل تۋرالى پرەمەر-مينيستردىڭ باسپا ءسوز قىزمەتى حابارلادى.
"ق ر قارجى ءمينيسترىنىڭ بۇيرىعىمەن ابزال بەيسەنبەك ۇلى قارجى مينيسترلىگى اپپاراتىنىڭ باسشىسى قىزمەتىنە تاعايىندالدى" دەلىنگەن حابارلامادا.
ابزال بەيسەنبەك ۇلى 1985 جىلى جامبىل وبلىسىندا دۇنيەگە كەلگەن.
م. ح. دۋلاتي اتىنداعى تاراز مەملەكەتتىك ۋنيۆەرسيتەتىن، نوتتينگەم ۋنيۆەرسيتەتىن، تاراز يننوۆاسيالىق-گۋمانيتارلىق ۋنيۆەرسيتەتىن بىتىرگەن. ماماندىعى بويىنشا بىلىكتىلىگى — ەكونوميست، مەملەكەتتىك ساياسات سالاسىنداعى گۋمانيتارلىق عىلىمدار ماگيسترى، قۇقىق باكالاۆرى.
ەڭبەك جولىن 2007 جىلى ءبىلىم جانە عىلىم مينيسترلىگىنىڭ عىلىم كوميتەتىندە جەتەكشى مامان مىندەتىن اتقارۋشى قىزمەتىنەن باستاعان.
2008-2010 جىلدارى ەكونوميكا جانە بيۋدجەتتىك جوسپارلاۋ مينيسترلىگىنىڭ الەۋمەتتىك سالانى دامىتۋ دەپارتامەنتى ءبىلىم جانە عىلىمدى دامىتۋ باسقارماسىنىڭ ساراپشىسى بولىپ جۇمىس ىستەدى.
2010-2011 جىلدارى قارجى مينيسترلىگىندە جۇمىس ىستەدى.
2011-2019 جىلدارى پرەزيدەنت اكىمشىلىگىندە ءتۇرلى لاۋازىمداردا قىزمەت اتقاردى.
2019 جىلعى ساۋىر-قىركۇيەك ايلارىندا "جاساندى زەردە سالاسىنداعى زەرتتەۋلەر مەن ازىرلەمەلەردى قولداۋ قورى" كق باسقارما ءتوراعاسى بولىپ جۇمىس ىستەدى.
2019 جىلعى قازان ايىنان قازىرگى ۋاقىتقا دەيىن جەكە مەنشىك سەكتوردا باسشىلىق قىزمەتتەر اتقاردى.
پىكىر قالدىرۋ