پرەزيدەنت قاسىم-جومارت توقايەۆ دۇنيەجۇزىلىك دەنساۋلىق ساقتاۋ ۇيىمى ءبىر جىل بۇرىن پاندەميا باستالعانىن جاريالاۋىنا بايلانىستى مالىمدەمە جاسادى.
– ءبىر جىل بۇرىن ددسۇ پاندەميانىڭ باستالعانىن جاريالادى. سودان بەرى قازاقستان بۇكىل الەممەن بىرگە كوپتەگەن قيىندىقتى باستان وتكەردى. مەملەكەت ازاماتتاردىڭ ءومىرى مەن دەنساۋلىعىن قورعاۋ ءۇشىن پارمەندى شارالار قابىلدادى.
توتەنشە جاعداي كەزىندە تابىسسىز قالعان تۇرعىندارعا قارجىلاي جانە باسقا دا كومەك بەرىلدى. ءبىز بەرەكە-بىرلىك پەن ءوزارا قولداۋدىڭ ارقاسىندا ورشىگەن ىندەتتى ەڭسەردىك، – دەدى پرەزيدەنت.
توقايەۆ ەلدە ءقاۋىپتى ىندەتتىڭ قاتەرى ءالى دە سەيىلگەن جوعىن اتاپ ءوتتى. ونىڭ ايتۋىنشا، ۆيرۋستى ۆاكسيناسيا ارقىلى عانا تۇبەگەيلى اۋىزدىقتاي الامىز.
مەملەكەت باسشىسى قازاقستاندىقتاردى اۋىرىپ ەم ىزدەگەنشە، اۋىرمايتىن جول ىزدەۋگە شاقىردى.
پىكىر قالدىرۋ