پرەزيدەنت قاسىم-جومارت توقايەۆ Grammy سىيلىعىن جەڭىپ العان يمانبەك زەيكەنوۆتى قۇتتىقتادى. بۇل تۋرالى ونىڭ باسپا ءسوز حاتشىسى بەرىك ءۋالي facebook پاراقشاسىندا جازدى.
حابارلامادا پرەزيدەنت يمانبەك زەيكەنوۆكە اسا بەدەلدى Grammy مۋزىكالىق سىيلىعىنىڭ تابىس ەتىلۋى جونىندەگى جاڭالىقتى زور قۋانىشپەن قابىلداعانى ايتىلادى.
"ءوزىنىڭ تالانتى مەن ماقسات قويا ءبىلۋىنىڭ ارقاسىندا ديدجەي Imanbek الەمدىك شوۋ-بيزنەستىڭ باستى سىيلىقتارىنىڭ ءبىرىن يەلەندى. ونىڭ شىعارماشىلىعى قازاقستاندىق جاستاردىڭ دا ەڭ بيىك شىڭداردى باعىندىرا الاتىنىن دالەلدەدى.
پرەزيدەنتتىڭ اتىنان يمانبەكتى وسى جارقىن جەڭىسىمەن قۇتتىقتايمىن جانە جاڭا شىعارماشىلىق تابىستار تىلەيمىن!" دەلىنگەن جازبادا.
