ق ر سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشيەۆ جۇڭگو ەلشىسى چجان سياومەن كەزدەستى. بۇل تۋرالى ۆەدومستۆونىڭ باسپا ءسوز قىزمەتى حابارلادى.
سايت مالىمەتىنشە، كەزدەسۋدە قازاقستان-قىتاي قاتىناستارىنىڭ وزەكتى ماسەلەلەرى تالقىلانعان.
"ماڭىزدى تاقىرىپتار اراسىندا تاراپتار قازاقستان ازاماتتارىنىڭ قىتايدا تۇراتىن تۋىستارىمەن قايتا قوسىلۋلارىنا جاردەمدەسۋ تۋرالى وتىنىشتەرىن تالقىلادى" دەلىنگەن حابارلامادا.
ەلشى چجان سياو ءوتىنىش بىلدىرگەندەردىڭ تۋىستارى جۇڭگو ازاماتتارى ەكەنىن جانە ولار ەل زاڭناماسىن بۇزۋىنا وراي جازالارىن وتەپ جاتقانىن حابارلادى.
كەزدەسۋ قورىتىندىسى بويىنشا تاراپتار حالىقارالىق قۇقىق قاعيداتتارىنا سايكەس كونسۋلدىق قىزمەتتەر جەلىسى بويىنشا بىرلەسكەن جۇمىستى جالعاستىرۋعا كەلىسكەن.
پىكىر قالدىرۋ