The Telegraph باسىلىمى جۇڭگو مەن رەسەي اقش-تىڭ "زياندى ارەكەتىن" ايىپتادى دەپ حابارلادى. بەيجىڭ مەن ماسكەۋ جاھاندىق الپاۋىت ەلدەر اراسىندا تۇراقتىلىق ورناتۋ ءۇشىن بۇۇ قاۋىپسىزدىك كەڭەسىنىڭ ءسامميتىن وتكىزۋگە شاقىردى.
سيرەك كەزدەسەتىن ديپلوماتيالىق بىرلىككە كەلگەن باتىس كواليسياسى بۇعان دەيىن قىتايعا سانكسيا سالعان.
سونىمەن بىردەي ۋاقىتتا رەسەيگە دە سانكسيا سالىنعانى جاريالاندى.
جۇڭگو سانكسيالاردان كەيىن ۇلىبريتانيا مەن ەو ەلشىلەرىن شاقىردى.
جۇڭگو مەن رەسەيدىڭ سىرتقى ىستەر مينيسترلەرى قىتايدىڭ گۋيلين قالاسىنداعى كەزدەسۋدەن سوڭ بۇۇ قاۋىپسىزدىك كەڭەسىنىڭ تۇراقتى مۇشەلەرىن سامميتكە جينالۋعا شاقىرىپ، بىرلەسكەن مالىمدەمە جاسادى. "جاھاندىق تۇراقتىلىقتى ساقتاۋ مۇددەسىندە ادامزاتتىڭ ورتاق ماسەلەلەرىن شەشۋ جولدارى تۋرالى تىكەلەي ديالوگ قۇرۋ كەرەكتىگى" ايتقان ولار "ادام قۇقىعى ماسەلەلەرىن ساياسيلاندىرۋدان" باس تارتۋعا ۇندەدى.
رەسەي سىرتقى ىستەر ءمينيسترى سەرگەي لاۆروۆ ماسكەۋ مەن بەيجىڭ اقش-تىڭ نيەتى تۋرالى ۇقساس پىكىردە دەپ مالىمدەدى. "ولار قىرعي-قاباق سوعىستىڭ اسكەري جانە ساياسي وداقتارىنا سۇيەنىپ، جاڭا وداقتار قۇردى. بۇۇ-نىڭ حالىقارالىق قۇقىقتىق جۇيەسىن بۇزدى" دەپ ايىپتادى.
– ماسكەۋ مەن بەيجىڭ باتىستىڭ سانكسيالارىن قابىلداۋعا بولمايدى دەپ سانايدى. بۇگىندە الەمدىك ارەنادا كەز كەلگەن ادامدى جازالاۋ – بۇل قاتە، ال رەسەي مەن قىتايعا قارسى وسىنداي ادىستەردى قولدانۋ – اقىماقتىق، – دەدى لاۆروۆ.
پىكىر قالدىرۋ