"قىتايداعى ەۋروپالىق كومپانيالار قيىن جاعدايدا قالدى" دەپ مالىمدەدى قىتايداعى ەو ساۋدا ونەركاسىپ پالاتاسى. جۇڭگو Big Tech كومپانيالارى –
‘H&M’ جانە ‘HM’ برەندىن قىتايدىڭ كارتا قوسىمشالارىنان، ەلەكتروندىق كوممەرسيالىق سايتتارىنان، كولىك باعدارلامالارى مەن ازىق-تۇلىك جەتكىزۋ پلاتفورمالارىنان الىپ تاستادى.

"قىتايداعى ەۋروپالىق كومپانيالار ساياسيلانىپ بارا جاتقان بيزنەس ورتاعا تاپ بولدى" دەپ حابارلادى ەو ساۋدا ونەركاسىپ پالاتاسى.

شىڭجاڭ ماقتا وندىرۋشىلەرىنىڭ ءماجبۇرلى جۇمىس كۇشىن پايدالانۋى تۋرالى برەندتىڭ ۇستانىمىنا بايلانىستى ءبىرقاتار ءىرى قىتايلىق تەحنولوگيالىق فيرمالار شۆەدتەردىڭ H&M كيىم ساتۋشىسىنىڭ ۆيرتۋالدى قاتىسۋىن ءوز پلاتفورمالارىنان ءوشىردى.
جۇڭگو ۇكىمەتى ناقتى ءبىر كومپانيانى اتاپ كورسەتپەسە دە، شەتەلدىك برەندتەرگە، سونىڭ ىشىندە H&M، Nike، Adidas جانە Burberry-گە قارسى بۇكىلحالىقتىق تۇتىنۋشىلىق بويكوت جاريالاندى.

ەۋروپالىق كومپانيالاردىڭ شىڭجاڭ ماقتاسىن قولدانۋدان باس تارتۋ تۋرالى  مالىمدەمەلەرىنە جاۋاپ رەتىندە قىتايدا جاپپاي نارازىلىق بىلدىرۋشىلەر كوبەيدى.