الماتى قالاسىنىڭ باس مەملەكەتتىك سانيتار دارىگەرى، سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين قالا تۇرعىندارىن ماسكا رەجيمىن ساقتاپ، الەۋمەتتىك قاشىقتى ەسكەرىپ، ادام كوپ جينالاتىن جەرگە بارماۋعا شاقىردى.  

الماتى قىزىل ايماقتا تۇر. بيىل مەگاپوليستە كۆي-دى جۇقتىرعان 12 800 ادام تىركەلدى. مۋتاسياعا تۇسكەن شتامنىڭ بارىن ەسكەرە وتىرىپ، ىندەتتى جۇقتىرۋدىڭ جوعارى دەڭگەيى ساقتالىپ تۇر.

– وزگەرىستەر بايقالعان ايماقتاردى گەنومدىق رەتكە كەلتىرۋ ناتيجەلەرى بەلگىلى بولدى – بريتانيالىق جانە وڭتۇستىك افريكالىق كوروناۆيرۋس شتامدارىنا ءتان مۋتاسيالار انىقتالدى. جاڭا شتامداردىڭ كونتاگيوزى جوعارى. الدىڭعى بازالىق شتاممەن سالىستىرعاندا جاڭا شتاممداردىڭ جۇقتىرۋ كورسەتكىشى 70%-عا دەيىن جوعارى. ياعني، بۇل ينفەكسيا وتە جۇقپالى. وسى جاعداي مەگاپوليستە انىقتالعان ينفەكسيالاردىڭ ورشۋىنە اكەلدى، – دەدى ول.

جانداربەك بەكشين كۆي-دەن قورعاۋدىڭ جالعىز جولى ۆاكسيناسيا ەكەنىن ەسكە سالىپ، ءساۋىر ايىندا ۆاكسينالاردىڭ جاڭا دوزاسى كەلەتىنىن ايتتى.

– الماتىدا ەكى ميلليون تۇرعىننىڭ بار ەكەنىن، سونداي-اق كوشى-قوننىڭ جوعارى دەڭگەيىن ەسكەرە وتىرىپ، ءقازىر جاڭا شتاممدار اينالىمى اياسىندا بارلىقتارىڭىزدى دا كوۆيدكە قارسى شارالاردى كۇشەيتۋگە شاقىرامىن. بەتپەردە رەجيمى مەن الەۋمەتتىك قاشىقتى ساقتاپ، قوعامدىق ورىندارعا بارماۋعا، ادام كوپ جينالاتىن جەردەن اۋلاق بولۋعا شاقىرامىن، – دەدى سانيتار دارىگەر.