شىعىس قازاقستان وبلىسى مادەنيەت باسقارماسىنىڭ باسشىسى ميراس جۇماعۇلوۆتىڭ ىشىمدىككە ماس بولىپ، جانجال شىعارعانى حابارلاندى. بۇل تۋرالى "ۇزىن قۇلاق" instagram پاراقشاسى جازدى.
جاريالانعان اقپاراتتا مادەنيەت باسقارماسىنىڭ باسشىسى قالاداعى كاراوكەلەردىڭ بىرىندە اناستاسيا ەسىمدى بويجەتكەنمەن سويلەسىپ، ەكەۋى جۇماعۇلوۆتىڭ ۇيىنە بارۋعا كەلىسكەنى تۋرالى ايتىلادى. الايدا ۇيگە كىرەبەرىستە بويجەتكەن ىشكى كىرۋدەن باس تارتقان، جۇماعۇلوۆ وعان كونبەگەن. قورىققان بيكە پوليسيا شاقىرماق بولعاندا، جۇماعۇلوۆ ونىڭ تەلەفونىن تارتىپ العان. بولعان جايتتى كورگەن كورشىلەر پوليسيا شاقىرعان.
پوليسيا كوشەدە الكوگولدىك سۋسىن ىشكەنى، ماس جاعدايدا قوعامدىق ورىندا جۇرگەنى ءۇشىن وقيعانىڭ ەكى قاتىسۋشىسىنا حاتتاما تولتىرعان.
جەلىدەگى پاراقشادا بۇل ميراس جۇماعۇلوۆتىڭ العاشقى جانجالى ەمەستىگىن، Serebro رەستورانىنداعى جانجالدا دا اتى اتالعانىن جازدى.
ال ratel.kz سايتى جۇماعۇلوۆپەن سوزگە كەلىپ قالعان بويجەتكەن دە شىعىس قازاقستان وبلىسى اكىمدىگىنىڭ قىزمەتكەرى ەكەنىن حابارلادى.
پىكىر قالدىرۋ