"كوروناۆيرۋس، كەت، كەت كەت" ءانىنىڭ اۆتورى مارات وماروۆتىڭ شىمكەنتتە توي جاساعانى انىقتالدى. بۇل تۋرالى Azattyq Ryhy سايتى حابارلادى.
سايت مالىمەتىنشە، الەۋمەتتىك جەلىلەردە جاريالانعان توي ۆيدەوسى شىمكەنت قالاسىنىڭ "كاراۆان" كافەسىندە تۇسىرىلگەن. ەلىمىزدە توي-جيىن جاساۋعا تىيىم سالىنعانىنا قاراماستان، ءانشى مارات وماروۆ تويحانادا قىزىن ۇزاتقان.
شىمكەنت قالاسى ءال-فارابي اۋدانى بويىنشا سانيتارلىق-ەپيدەميولوگيالىق باقىلاۋ باسقارماسى وقيعاعا قاتىستى پىكىر ءبىلدىردى.
– ءتارتىپ بۇزۋشىلارعا قاتىستى اكىمشىلىك جازا قولدانۋ ءۇشىن اكىمدىك پەن پوليسيا دەپارتامەنتىنە حات جولداندى، – دەدى دەپارتامەنت وكىلدەرى.
ۆيدەودا توي كوناقتارىنىڭ اراسىنان مارات وماروۆ، سابينا التىنبەكوۆا جانە ءانشى قايرات تۇنتەكوۆتى بايقاۋعا بولادى.
