بۇگىن وڭىرلىك كوممۋنيكاسيالار قىزمەتىنىڭ ونلاين-بريفينگىندە قالالىق موبيلدىلىك باسقارماسى باسشىسىنىڭ ورىنباسارى ەرنۇر ابجاحان جولداردىڭ جاعدايىنا قاتىستى اقپارات بەردى. ول اعىمداعى جىلى ۇزىندىعى 196،5 شاقىرىم بولاتىن 200 كوشەگە، ونىڭ ىشىندە 17 ماگيسترالدى كوشەگە ورتاشا جوندەۋ جۇرگىزۋ جوسپارلانعانىن حابارلادى.

الماتىدا 40-قا جۋىق بريگادا جولداردى جوندەپ جاتىر. جىل سوڭىنا دەيىن 200 كوشەدەگى جولدار جوندەلەدى.

ەرنۇر ابجاحاننىڭ ايتۋىنشا، الماتى قالاسىندا كوشە-جول جەلىسىنىڭ ۇزىندىعى 3096،8 شاقىرىمدى قۇرايدى، ونىڭ 298،5 شاقىرىمىنا اسفالت توسەلمەگەن.

ەرنۇر ابجاحان اتاپ وتكەندەي، 2025 جىلعا قاراي 350 شاقىرىم جاڭا جول سالۋ (2021 جىلى – 40،4 شاقىرىم، 2022 جىلى – 80 شاقىرىم، 2023 جىلى – 78،6 شاقىرىم، 2024 جىلى – 80،6 شاقىرىم جانە 2025 جىلى – 70،4 شاقىرىم) جوسپارلانعان. سونداي-اق ۇزىندىعى 200 كيلومەتر بولاتىن جولدارعا جىل سايىن ورتاشا جوندەۋ جانە 350 مىڭ شارشى مەتردەن استام جولعا اسفالت توسەۋ جوسپارلانعان.

ەرنۇر ابجاحان ونلاين-بريفينگ بارىسىندا بۇگىندە جولداردىڭ جاعدايىت تۋرالى مالىمەت بەردى.

«قازىرگى كەزدە 39 بريگادا اعىمداعى جوندەۋ جۇمىستارىن جۇرگىزۋدە، سونداي-اق 160 بىرلىك ارنايى تەحنيكا مەن 394 جۇمىسشى جۇمىلدىرىلعان. قالانىڭ 35 كوشەسىندە جۇمىستار جۇرگىزىلۋدە»، - دەدى الماتى قالالىق موبيلدىلىك باسقارماسى باسشىسىنىڭ ورىنباسارى ەرنۇر ابجاحان.

مىسالى، كەشەگى كۇننىڭ وزىندە 3 مىڭنان استام شارشى مەتر شۇڭقىرلار جوندەلدى، 200-دەن استام اقاۋ قالپىنا كەلتىرىلدى.

ءساۋىر ايىندا الماتىنىڭ 242 كوشەسىندەگى 2 141 اقاۋلى ۋچاسكەلەر رەتتەلدى.

جەرگىلىكتى اتقارۋشى ورگانداردىڭ جوسپارىندا تاعى دا ۇزىندىعى 196،5 شاقىرىم بولاتىن 200 كوشەگە، ونىڭ ىشىندە ۇزىندىعى 38،4 شاقىرىم بولاتىن قالانىڭ 17 ماگيسترالدى كوشەسىنە (رىسقۇلوۆ داڭعىلى، ءسۇيىنباي داڭعىلى، ساتبايەۆ كوشەسى، كۋدەرين كوشەسى، جانسۇگىروۆ كوشەسى، رايىمبەك داڭعىلى، ياسساۋي كوشەسى، شالياپين كوشەسى، مومىش ۇلى كوشەسى، جاندوسوۆ كوشەسى، سەيفۋللين داڭعىلى، قۇرمانعازى كوشەسى، ۆواد، حاليۋللين كوشەسى – قۇلجا تراكتىسى كا، سيەۆەرنوە كولسو كوشەسى، بورالداي كوشەسى، تاتىبەكوۆ كوشەسى) ورتاشا جوندەۋ جۇمىستارىن جۇرگىزۋ جوسپارى بار.

ايدىڭ سوڭىنا دەيىن دايىندىق جانە بولشەكتەۋ جۇمىستارىن باستاۋ جوسپارلانۋدا. جول جوندەۋ جۇمىستارىن شىلدە ايىنىڭ سوڭىنا دەيىن اياقتاۋ جوسپارلانىپ وتىر. اۋداندىق ماڭىزداعى قالعان بارلىق كوشەلەر بويىنشا جۇمىستاردى قازان ايىنىڭ سوڭىنا دەيىن اياقتاۋ جوسپارلانۋدا.

الماتىدا جول سالۋ جانە جولداردى كۇردەلى جوندەۋ جۇمىستارىنا قاتىستى. قالالىق موبيلدىلىك باسقارماسىنىڭ سپيكەرىنىڭ ايتۋىنشا، جالپى ۇزىندىعى 149،4 شاقىرىم بولاتىن 10 شاعىن اۋداندا (وجەت، شاڭىراق-5، سامعاۋ، العاباس، نۇرشاشقان، قايرات، المەرەك، قۇرامىس، تاستىبۇلاق، دۋمان) جۇمىستار جوسپارلانعان، اعىمداعى جىلى ولاردىڭ 100 شاقىرىمىن اياقتاۋ جوسپارلانعان.

ە.ءابجاحان 3 كولىك ايرىعىنىڭ (سەيفۋللين داڭعىلى -جانسۇگىروۆ كوشەسى، رىسقۇلوۆ داڭعىلى – ەمسوۆ كوشەسى، بۇقتىرما كوشەسى – قۇلجا تراكتى) قۇرىلىسى تۋرالى ايتىپ بەردى. ول رىسقۇلوۆ داڭعىلى مەن ەمسوۆ كوشەسىنىڭ قيىلىسىندا كولىك ايىرىعىن پايدالانۋعا بەرۋ جوسپارى بارىن، ال 2022 جىلى سەيفۋللين داڭعىلى – جانسۇگىروۆ كوشەسى، بۇقتىرما كوشەسى – قۇلجا تراكتىسى بويىنشا ەكى جول-كولىك ايىرىعىنىڭ قۇرىلىسى اياقتالاتىنىن ايتتى.

قازىرگى ۋاقىتتا تاۋسامال شاعىن اۋدانىنداعى قونايەۆ كوشەسىن قايتا جاڭارتۋ جالعاسۋدا، وندا مامىر ايىنىڭ سوڭىنا دەيىن ساتىپ الىنعان ءۇي قۇرىلىستارىن بۇزۋدى اياقتاۋ جوسپارلانۋدا، سودان كەيىن ءجۇرۋ بولىگىن كەڭەيتۋ جانە تروتۋارلار جاساۋ جۇمىستارى باستالادى. جوندەۋ جۇمىستارى 2021 جىلدىڭ قىركۇيەگىنە قاراي تولىق اياقتالاتىن بولادى.