پرەزيدەنت قاسىم-جومارت توقايەۆ اتىراۋ وبلىسىنىڭ الەۋمەتتىك-ەكونوميكالىق دامۋ ماسەلەلەرى جونىندە كەڭەس وتكىزدى، دەپ حابارلادى اقوردا سايتى.
توقايەۆ كەڭەستە اۆتوجولداردى دامىتۋ ماسەلەسىنە توقتالدى. ول وبلىستا جول اپاتىنىڭ جيىلەپ كەتۋى ەلدى الاڭداتىپ وتىرعانىن ايتتى. بىلتىر وڭىردە 232 جول-كولىك وقيعاسى تىركەلىپ، سونىڭ سالدارىنان 69 ادام قايتىس بولعان. اسىرەسە "ورال-اتىراۋ" تاس جولىنا باسا نازار اۋدارۋ كەرەگىن جەتكىزدى.
– ۇكىمەت پەن وبلىس اكىمدىكتەرى 2025 جىلعا دەيىن جەرگىلىكتى جەرلەردەگى جولداردىڭ 95 پايىزىن جوندەپ، رەتكە كەلتىرۋگە ءتيىس. 2019 جىلدان باستاپ بۇكىل ەلىمىز بويىنشا وسى ماقساتقا جىل سايىن رەسپۋبليكالىق بيۋدجەتتەن 50 ميلليارد تەڭگە بولىنۋدە. جول قۇرىلىسىنا جانە ونى جوندەۋگە جەرگىلىكتى بيۋدجەتتەن دە قارجى جۇمسالادى. ناتيجە جوق دەپ ايتۋعا بولادى. جوندەلگەن جولدىڭ كوبى ءبىر جىل وتپەي جارامسىز بولىپ قالادى. مۇنى اشىق ايتۋ كەرەك، – دەدى پرەزيدەنت.
سونىمەن قاتار توقايەۆ "نۇر-سۇلتان – الماتى" اۆتوجولىن جوندەۋ جۇمىستارىنىڭ دا ءالى كۇنگە اياقتالماعانىن ايتىپ، بۇل جولدى 2023 جىلى پايدالانۋعا بەرۋدى تاپسىردى. بۇل جۇمىس ۇكىمەت پەن اكىمدەردىڭ ۇدايى نازارىندا بولۋى قاجەت ەكەنىن ەسكەرتتى.
پىكىر قالدىرۋ