CوVID-19-عا قارسى QazVac (QazCovid-in) قازاقستاندىق ۆاكسيناسىنىڭ العاشقى پارتياسى جونەلتىلدى. بۇل تۋرالى رrimeminister.kz سايتى  ءمالىم ەتتى.

– "QazVac" ۆاكسيناسىنىڭ العاشقى 50 مىڭ دوزاسى "سق-فارماسيانىڭ" حابتارىنا تاراتىلىپ، ودان ءارى ەلىمىزدىڭ بارلىق وڭىرلەرىندەگى دەنساۋلىق ساقتاۋ باسقارمالارىنىڭ قويمالارىنا جەتكىزىلەتىن بولادى. بيىل 26 ساۋىردە حالىقتى "QazVac" ۆاكسيناسىمەن ۆاكسيناسيالاۋ باستالادى. مامىر ايىندا 50 مىڭ دوزا كولەمىندەگى ۆاكسينانىڭ كەزەكتى پارتياسىن شىعارۋ جوسپارلانۋدا، – دەدى ق ر پرەمەر-مينيسترىنىڭ ورىنباسارى ەرالى توعجانوۆ بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنا جاساعان ساپارى بارىسىندا.

ونىڭ ايتۋىنشا، ۆاكسينا ءوندىرىسى كەزەڭ-كەزەڭمەن ايىنا 500-600 مىڭ دوزاعا دەيىن ۇلعايتىلماق.

سونداي-اق قازاقستاندىق ۆاكسينا دۇنيەجۇزىلىك دەنساۋلىق ساقتاۋ ۇيىمىنىڭ تىزىلىمىنە ەنگىزىلگەنى حابارلاندى.

"ونىڭ تولىق قاۋىپسىزدىگى دالەلدەندى، ۆاكسينا كوروناۆيرۋس ينفەكسياسىنا قارسى تۇراقتى يممۋنيتەتتى قالىپتاستىرادى. يناكتيۆتەندىرىلگەن ۆاكسينانىڭ ارتىقشىلىعى، ول ۆاكسينامەن بايلانىستى اۋرۋلاردى تۋدىرمايدى. بۇدان باسقا، "QazVac" ۆاكسيناسىن جەتكىزۋ ادىستەرى كۇردەلى توڭازىتقىش قوندىرعىلارىن تالاپ ەتپەيدى، ولار توڭازىتقىشتا +2-8 گرادۋس تەمپەراتۋرادا تاسىمالدانادى" دەلىنگەن اقپاراتتىق حابارلامادا.

قازاقستاندا كوروناۆيرۋسقا قارسى جاپپاي ۆاكسيناسيا 1 اقپاندا باستالدى. 2021 جىلعى 22 ساۋىردەگى مالىمەت بويىنشا قازاقستاندا 796 383 ادام ۆاكسينا سالدىرعان. بۇگىندە ازاماتتارعا رەسەيلىك سپۋتنيك-V ەكپەسى سالىنىپ جاتىر. بريتانيالىق "The Lancet" مەديسينالىق عىلىمي جۋرنالى "سپۋتنيك V" ۆاكسيناسى 91،6 پايىزعا ءتيىمدى ەكەنىن ءمالىم ەتكەن.