جەر ماسەلەسى تۋرالى كوميسسيا مۇشەسى مۇحتار تايجان مەن "ەل مەن جەر" قوعامدىق قوزعالىسىنىڭ مۇشەسى ەركىن راقىشيەۆتىڭ اراسىندا دەبات ءوتتى.

پىكىرتالاس بيزنەس-ترەنەر احمەتبەك نۇرسيلانىڭ YouTube اراسىندا تىكەلەي ەفيردە ۇيىمداستىرىلدى. 

"دەباتقا بەلسەندى رۇستەم ەسىمحان ۇلى ساراپشىلىق جاسايدى" دەدى احمەتبەك نۇرسيلا.

– قاراپ وتىرسام، مەنىڭ اۋىلداستارىم، سىنىپتاستارىم، تانىستارىم بۇل ماسەلەنى بىلمەيدى. ەلدىڭ تاعدىرى، جەردىڭ تاعدىرى شەشىلىپ جاتقانىنان حابارى جوق ەكەن. پرەزيدەنت ۇكىم شىعاردى. جەر شەتەلدىكتەرگە ساتىلماسىن، جالعا دا بەرىلمەسىن دەدى. ەندى جەر قازاقستان ازاماتتارىنا ساتىلا ما؟ جالعا بەرىلە مە؟ ونىڭ ارتى قالاي بولادى؟ قانشا جىلعا بەرىلەدى؟، – دەدى نۇرسيلا احمەتبەك دەباتتى اشىپ.

كاسىپكەردىڭ ايتۋىنشا، تايجان دا، راقىشيەۆ تا جەر ماسەلەسى ءۇشىن كۇرەسىپ ءجۇر. الايدا، ەكەۋىنىڭ پىكىرى ۇقسامايدى.

راقىشيەۆ جەر كومييسياسى قۇرامىنداعى تايجاندى "حالىقتى الداپ جۇرگەن الاياق" دەپ ايىپتايدى. ءبىراق مۇحتار تايجان كوميسسيادا شىن نيەتىمەن حالىق ءۇشىن، جەر ءۇشىن كۇرەسىپ جۇرگەنىن ايتادى.

سونىمەن قاتار، دەباتتا تايجاننىڭ مينيسترلەر مەن دەپۋتاتتار قاتىسقان كومييسيا وتىرىسىندا شەشىمدەرگە قارسى شىققانى ايتىلدى.

دەگەنمەن، راقىشيەۆ ونىڭ ءبارى كوزبوياۋشىلىق دەپ سانايتىنىن جەتكىزدى. 

– مەن مۇحتارمەن عانا ەمەس، جالپى جەر كومييسياسىمەن كەلىسپەيمىن. بۇل حالىقتىڭ نازارىن باسقا جاققا اۋدارۋ ءۇشىن قۇرىلعان كومييسيا. ال مۇحتار سونىڭ بەلدى مۇشەسى. ولار ءقازىر نەمەن اينالىسىپ ءجۇر. ولار كوزبوياۋشىلىقپەن اينالىسىپ ءجۇر. بۇل مۇحتارعا دا، كوميسسياعا دا قاتىستى... بۇلاردىڭ ماقساتى قازاقستاننىڭ جەرىن قىتايعا ورمان، توعاي وسىرۋگە 25 جىلعا بەرۋگە زاڭ قابىلدانىپ جاتقاندا، كوميسسيادا وتىرىپ الىپ، بىر-بىرىمەن قىرقىسىپ، حالىقتىڭ نازارىن باسقا جاققا اۋدارۋ، – دەيدى ەركىن راقىشيەۆ.

ال مۇحتار تايجان نە ءۇشىن كوميسسيا قۇرامىنا كىرگەنىن ءتۇسىندىردى.

– زاڭدى وزگەرتۋدىڭ باسقا جولى جوق. ول ءۇشىن تەك قانا بيلىكپەن ءبىر ۇستەلدە وتىرۋ كەرەك. ويتكەنى زاڭ قابىلدايتىن ءماجىلىس، ۇكىمەت، سوسىن پرەزيدەنت قول قويادى. ءبىز وسىندا وتىرىپ زاڭدى وزگەرتە المايمىز. سول ءۇشىن مەن جەر كوميسسياسىنا كىردىم. اقپان ايىندا پرەزيدەنت قاسىم-جومارت توقايەۆ جەر شەتەلدىكتەرگە ساتىلماسىن، جالعا دا بەرىلمەسىن دەپ جاريالادى. سوسىن پرەزيدەنتتىڭ تاپسىرماسى بويىنشا ارنايى زاڭ دايىندالدى. سول زاڭ ماجىلىسكە كەلىپ، سوسىن سەناتقا كەتتى. سول زاڭ جوباسى تالقىلانعان كەزدە ءتورت دەپۋتات اعاش ءوسىرۋ ءۇشىن جەر شەتەلدىكتەرگە جالعا بەرىلسىن دەپ ۇسىندى. مەن مۇنى بارشاڭىزبەن بىرگە ەستىدىم. الدىمەن مىناداي اقپاراتشىقتى. ورماندار شەتەلدىكتەرگە بەرىلەدى دەپ شىقتى. البەتتە، بۇل اقپارات جالعان. سەبەبى ورمانداردى ەشكىم جالعا بەرە المايدى، – دەگەن تايجان دەپۋتتاردىڭ ۇسىنىسىنا قاتىسى جوعىن، وعان داۋىس بەرمەگەنىن، ءتىپتى قارسى بولعانىن ايتتى.

تايجاننىڭ ايتۋىنشا، سەناتورلار كوڭىل اۋدارىپ، ونداي زاڭ نورماسىن وتكىزبەيتىنىن مالىمدەگەن.

"سوندىقتان بۇل نورما الىنىپ تاستالادى دەپ ەسەپتەيمىن" دەيدى ول.