«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك قالالىقتارمەن بىرگە «Birge – تaza Qazaqstan» ەكولوگيالىق اكسياسىنا قاتىستى. بۇل تۋرالى ول Instagram جەلىسىندەگى پاراقشاسىندا جازدى.
ونىڭ ايتۋىنشا، پارتيا ورتالىق اپپاراتىنىڭ قىزمەتكەرلەرى شىڭعىس ايتماتوۆ اتىنداعى كوشەنىڭ بويىنا 80 ءتۇپ اعاش وتىرعىزعان. اكىمدىكتىڭ دەرەگى بويىنشا، بيىل قالادا بارلىعى 1 ملن-نان استام جاسىل جەلەك وتىرعىزۋ جوسپارلانىپ وتىر.
«وزدەرىڭىزگە ءمالىم، ەلوردامىزدىڭ نەگىزى قالانعان ساتتەن باستاپ ەلباسى، مەملەكەتىمىزدىڭ تۇڭعىش پرەزيدەنتى نۇرسۇلتان نازاربايەۆ قالانىڭ ساۋلەتتىك كەلبەتىنە عانا ەمەس، سونىمەن قاتار ناعىز جايلى قالالىق ورتا قۇرۋعا دا ەرەكشە نازار اۋداردى. بۇگىندە مۇندا كوپتەگەن ساياباق، سكۆەرلەر مەن اللەيالار سالىنىپ، قالالىقتاردىڭ سۇيىكتى دەمالىس ورىندارىنا اينالدى. قالادا دا، سونىمەن قاتار ونىڭ ماڭايىندا دا جوسپارلى تۇردە جاسىل جەلەكتەر سانى ارتىپ كەلەدى. قولايلى كليماتتىق جاعداي قالىپتاستىرۋدا ەلباسى باستاماشىلىق ەتكەن ەلوردا ماڭىندا «جاسىل بەلدەۋ» قۇرۋ جوباسىنىڭ ماڭىزى زور»، - دەپ جازدى ول.
باۋىرجان بايبەك اتاپ وتكەندەي، ەكولوگيا ساپاسىن جاقسارتۋ ماسەلەسى – «Nur Otan»-نىڭ سايلاۋالدى باعدارلاماسىنىڭ دا نەگىزگى باعىتتارىنىڭ ءبىرى.
تاياۋداعى 5 جىلدا پارتيا ەل كولەمىندە ورمان القابىن ۇلعايتۋ جانە 2 ملرد-تان استام اعاش وتىرعىزۋ مىندەتىن قويىپ وتىر. قالالار اۋاسىنىڭ ساپاسىن جاقسارتۋ، سۋ رەسۋرستارىن ۇتىمدى پايدالانۋ، قالدىقتاردى قايتا وڭدەۋ بويىنشا جۇمىستار جالعاسۋدا. وسىعان وراي 2025 جىلعا دەيىن نۇر-سۇلتاندا، الماتىدا، شىمكەنتتە، اتىراۋدا، تارازدا جانە اقتوبەدە 6 قوقىس وڭدەۋ زاۋىتىن ىسكە قوسۋ جوسپارلانىپ وتىر.
«Nur Otan»-نىڭ ەكولوگيالىق ساياساتىن ىسكە اسىرۋ اياسىندا الماتىداعى جەس-2ء-نى گازعا اۋىستىرۋ، ورال وزەنى باسسەينىنىڭ ەكوجۇيەسىن ساۋىقتىرۋ باعدارلاماسىن قابىلداۋ جانە كولدەردى تازارتۋ بويىنشا جۇمىستار جۇرگىزۋ جوسپارلانۋدا. شولەيتتەنۋدىڭ، بۇرىنعى سەمەي يادرولىق سىناق پوليگونىنىڭ، بايقوڭىر عارىش ايلاعىنىڭ جانە ارال تەڭىزىنىڭ سولتۇستىك بولىگىن قالپىنا كەلتىرۋدىڭ ەكولوگيالىق ماسەلەلەرىن شەشۋ جالعاسىن تابادى»، - دەدى باۋىرجان بايبەك.
ونىڭ تاراتقان اقپاراتىنا سۇيەنسەك، ەلوردادا پارتيانىڭ سايلاۋالدى باعدارلاماسى بويىنشا بەس تۇرعىن القاپتا 10 سكۆەر سالۋ، جاعالاۋ جيەگىن اباتتاندىرا وتىرىپ، اقبۇلاق جىلعاسىنىڭ ارناسىن رەكونسترۋكسيالاۋ، ۆياچەسلاۆ جانە قوياندى سۋ قويمالارىندا تابيعاتتى قورعاۋ شارالارىن ىسكە اسىرۋ جانە تاعى دا باسقا كوپتەگەن شارالار كوزدەلگەن.
پىكىر قالدىرۋ