يلون ماسك ءوزىنىڭ SpaceX زىمىران كومپانياسى ەندى كريپتوۆاليۋتا – Dogecoin-دى تولەم رەتىندە قابىلدايتىنىن ايتتى.
ونىڭ سوزىنشە، عارىشتى زەرتتەيتىن كوممەرسيالىق فيرما "ايعا DOGE-1 ميسسياسىن" كەلەسى جىلى باستايدى.
ءبىر قىزىعى، تەحنولوگ-ميللياردەر 8 مامىر كۇنى "Saturday Night Show" باعدارلاماسىنا قاتىسقان كەزدە Dogecoin قۇلدىرادى. دەگەنمەن، شوۋعا قاتىساتىنىن جاريالاعان 28 ساۋىردەن باستاپ، شوۋ بولعان كۇنگە دەيىن كريپتوۆاليۋتانىڭ باعاسى ايتارلىقتاي جوعارلاعان.
وتكەن ايدا ول ءوزىنىڭ تۆيتتەرىندە SpaceXء-تىڭ ايعا Dogecoin-دى اپاراتىنى جانە سول كريپتوۆاليۋتانى عارىشتى يگەرۋدە قولداناتىنى تۋرالى جازعان.
ايتا كەتەيىك، Tesla جانە SpaceX كومپانيالارىنىڭ باس اتقارۋشى ديرەكتورى يلون ماسك وسى جىلدىڭ باسىندا مارس ۆاليۋتاسى كريپتوۆاليۋتا بولاتىنىن ايتىپ، وعان Dogecoin-دى تاڭداعانىن جاريالاعان.
سودان بەرى Dogecoin قىمباتتاپ، ءتىپتى بۇگىنگە دەيىن 140 ەسەگە جۋىق ءوستى.
پىكىر قالدىرۋ