2021 جىلدىڭ I توقسانىندا قازاقستاننان 5519 ادام كەتىپ، ەلگە 2066 ادام كەلگەن، دەپ حابارلادى LS سايتى.

سايت مالىمەتىنشە، ەلدەن كەتكەندەر سانى 2020 جىلدىڭ I توقسانىمەن سالىستىرعاندا 24،9%-عا، كەلگەندەردىڭ سانى ەكى ەسەدەن استام ازايعان.

ەلدەر بويىنشا

5519 ادامنىڭ 4413ء-ى رەسەيگە، 745ء-ى گەرمانياعا، 70ء-ى يزرايلگە، 41ء-ى پولشاعا، 36-سى وزبەكستانعا، 34ء-ى بەلارۋسكە، 32ء-سى اقش-قا، 23ء-ى قىرعىزستانعا، 14ء-ى ۋكرايناعا، 12ء-سى كاناداعا جانە تاعى باسقا ەلدەرگە كەتكەن.

قازاقستانعا قونىس اۋدارعان 2066 ادامنىڭ 851ء-ى رەسەيدەن كەلگەن، وزبەكستاننان – 518، قىرعىزستاننان – 125، ءازىربايجاننان – 87، قىتايدان – 68، تۇركيادان – 62، اۋعانستاننان – 57، تاجىكستاننان – 48، گەرمانيادان – 42، تۇركىمەنستاننان – 38، اقش-تان – 21، ۋكراينادان – 20 ادام.

ءبىلىم دەڭگەيى بويىنشا

قازاقستاننان كەتكەن 1540 ادامنىڭ جوعارى ءبىلىمى بار. بۇل 15 جاستان اسقان ميگرانتتاردىڭ جالپى سانىنىڭ 36،9%-ىن قۇرايدى. كاسىپتىك ورتا – 1351 (32،3%)، جالپى ورتا – 865 (20،7%)، نەگىزگى ورتا – 423 (10،1%).

ال ەلگە كەلگەندەر اراسىندا 499 ادام (26،8%) جوعارى ءبىلىم السا، 620 ادام (33،3%) ورتا كاسىپتىك ءبىلىم العان، 441 ادام (23،7%) جالپى ورتا ءبىلىم السا، 302 ادام (16،2%) نەگىزگى ورتا ءبىلىم العان.

ماماندىقتار بويىنشا

2021 جىلعى قاڭتار-ناۋرىزدا قازاقستاننان تەحنيكالىق ماماندىعى بار 933 ادام، ەكونوميكالىق – 466 ادام، پەداگوگيكالىق – 249 ادام، مەديسينالىق – 186 ادام، زاڭگەرلىك – 113 ادام، ساۋلەت-قۇرىلىس سالاسى بويىنشا 80 ادام، اۋىل شارۋاشىلىعى ماماندىعى بويىنشا 43 ادام كەتىپ قالعان.

ەلدى تەحنيكالىق ماماندىعى بار 224 ميگرانت تولىقتىردى، ەكونوميكالىق ماماندىعى بار – 126، پەداگوگيكالىق – 70، مەديسينالىق – 62، زاڭگەرلىك – 48، اۋىلشارۋاشىلىق – 27، ساۋلەت-قۇرىلىس – 24، باسقا ماماندىقتاردى مەڭگەرگەن 537 ادام كەلگەن.

وڭىرلەر بويىنشا

باسقا ەلدەرگە تۇراقتى تۇرۋ ءۇشىن قوستاناي وبلىسىنان – 736، قاراعاندى وبلىسىنان – 709، شقو-دان – 659، پاۆلودار وبلىسىنان – 600، الماتىدان – 546، اقتوبە وبلىسىنان – 447 جانە سقو-دان – 376 كوشىپ كەتكەن.

ال جاڭا تۇرعىندارمەن الماتى – 394، ماڭعىستاۋ وبلىسى – 377، شىمكەنت جانە قوستاناي وبلىسى – 160، نۇر-سۇلتان – 127، سقو – 122، پاۆلودار وبلىسى – 107، شقو – 106 جانە تۇركىستان وبلىسى – 103 ادامعا تولىقتى.