الاشقا ادال ءارى جانكەشتى قىزمەتىمەن بەلگىلى ازاماتتىڭ جاعدايىن ەستىگەن جۇرت شاما-شارقىنشا كومەكتەسە كەتتى. ناتيجەسىندە قاجەت قارجىنىڭ 90%-ى جينالدى. ەندى قالعانى 3 ميلليون تەڭگە. ەرىم دەپ ەمىرەنگەن ەلى باردا ونىڭ دا جينالارى ءسوزسىز. ءقازىر باعداتتىڭ ءاناليزى مينسكىگە جولدانىپ، سوڭعى تەكسەرۋ-باقىلاۋ ساتىسىندا تۇر. ودان وتە سالا بەلسەندى بۇيرەك ىزدەۋ كەزەگىنە قويىلادى. ونداعىلار كوپ كۇتتىرمەي ءدال كەلەتىن بۇيرەكتىڭ تابىلاتىنىن ايتىپ سەنىم ۇيالاتتى. تابىلا قالعاندا كەلىسىم-شارتتا كورسەتىلگەن اقشانى (30 ميلليون تەڭگەنى) الىپ، ءبىر اپتا ىشىندە مينسكىگە جەتۋى كەرەك. ونداي جارقىن ءساتتىڭ جاقىنداپ قالعانى انىق. ال ءبىز ەلدىگىمىزدى تاعى دا ءبىر مارتە كورسەتىپ، ەمگە قاجەت قالعان اقشانى (3 ميلليون تەڭگە) دايىنداي بەرسەك نۇر ۇستىنە نۇر بولار ەدى. اللا ساۋاپتارىڭىزدى ەسەلەسىن!