رەسەيلىك جۋرناليست يۋريي دۋد قازاقستاندىق "يك" (يرينا كايراتوۆنا) ونەر ۇجىمىنان سۇحبات الدى. ۆدۋد youtube ارناسىندا جاريالانعان 2 ساعاتقا جۋىق ۋاقىتقا سوزىلاتىن سۇحبات نەگىزىنەن توپ شىعارماشىلىعى، ولاردىڭ قازاقستان قوعامىنداعى جاعدايلارعا بەينەباياندارى ارقىلى كوزقاراس ءبىلدىرۋى، قازاق حالقىنىڭ مەنتاليتەتى تۋرالى ءوربيدى.

سۇحباتتىڭ 33 مينۋتىندا جۋرناليست توپ رەجيسسەرى قۋانىش بەيسەكەيەۆ قازاقستانداعى جەمقورلىق، بيۋدجەت قاراجاتىن جىمقىرۋ دەرەكتەرى تۋرالى ايتادى.

– قازاقستاندا وتە ءجيى جىمقىرادى. بۇل ەلدەگى باستى ماسەلەلەردىڭ ءبىرى. ۇرلايتىن ادامدا "ۇرلاۋ - جامان ارەكەت" دەگەن مورالدىق پرينسيپ بولمايدى. ونداي ادامدار دامىمايدى، ولار كەلەسى ۇرپاق تۋرالى ويلامايدى، ەلدىڭ دامۋى تۋرالى باسىن قاتىرمايدى. مۇنداي ادامدار اقىرىنا دەيىن ءوزىنىڭ بيلىگىن ساقتاپ قالۋعا تىرىسادى. ويتكەنى ولار ءۇشىن بيلىك اقشا تابۋدىڭ وڭاي جولى بولىپ كەتكەن. مۇنداي ادامدا بيلىكتە وتىرعاندا، ماڭىنا ناعىز كوشباسشىلاردى، ەمەس، وزىنە ادال ادامداردى جينايدى. ايتالىق، اكىم مىقتى ساياساتتانۋشى، توپ-مەنەدجەر بولعانى ءۇشىن ەمەس، بيلىككە ادال بولعانى ءۇشىن عانا ورىنتاعىندا وتىر. بۇل ولار ءۇشىن وتە ماڭىزدى. بيلىكتەگى تىزبەك وسىندايلاردان قۇرالعان. ال مۇنداي ۇكىمەتتە دامۋ بولمايدى، – دەدى رەجيسسەر.