بۇگىن «Nur Otan» وبلىستىق فيليالىنىڭ كەزەكتى ححVII ەسەپ-بەرۋ سايلاۋ كونفەرەنسياسى ءوتتى. ءىس شارادا پارتيانىڭ وبلىستىق فيليالىنىڭ جانە باقىلاۋ-تەكسەرۋ كوميسسياسىنىڭ 2019-2020 جىلدارى اتقارعان جۇمىستارى مەن الداعى كەزەڭگە ارنالعان مىندەتتەرى ايتىلدى.

كونفەرەنسيانى اشقان وبلىستىق فيليال ءتوراعاسى، وبلىس اكىمى عالي ەسقالييەۆ وبلىستىق كونفەرەنسيا الدىندا جوعارى ۇيىمداستىرۋشىلىق-ساياسي دەڭگەيدە وتكەن 241 باستاۋىش پارتيا ۇيىمدارىندا ەسەپ بەرۋ-سايلاۋ جينالىستارى مەن 13 اۋماقتىق فيليالداردا كونفەرەنسيا وتكىزىلگەنىن اتاپ ءوتتى.

جاڭادان سايلانعان باستاۋىش پارتيا ۇيىمدارى ءتوراعالارىنىڭ ىشىندە ايەلدەردىڭ ۇلەسى 33%-دى، ال 35 جاسقا دەيىنگى جاستاردىڭ ۇلەسى 26%-دى قۇرادى.

بپۇ ءتوراعالارىنىڭ قۇرامى وتكەن جىلمەن سالىستىرعاندا 15%-عا جاڭارتىلدى. ءتوراعالاردىڭ 6،2%-ى ءار دەڭگەيدەگى ءماسليحات دەپۋتاتتارى بولسا 6%-ى پارتيالىق رەزەرۆتە تۇر.

كونفەرەنسيالاردا فيليالداردىڭ ساياسي كەڭەستەرىنە 242 ادام، ساياسي كەڭەستەرىنىڭ بيۋرولارىنا – 100 ادام سايلاندى. ايەلدەر سانى 6،2%-عا، جاستار سانى 2،5 ەسەدەن اسا ءوستى – دەدى وبلىس اكىمى ع.ەسقالييەۆ.

2019-2020 جىلدار ارالىعىندا پارتيانىڭ ايماقتىق فيليالى ساياسي كەڭەسىنىڭ اتقارعان جۇمىستارى تۋرالى بايانداما جاساعان فيليال ءتوراعاسىنىڭ ءبىرىنشى ورىنباسارى مۇرات مۇقايەۆ باتىس قازاقستان وبلىسى بويىنشا پارتيانىڭ سايلاۋالدى باعدارلاماسىن جۇزەگە اسىرۋ، جول كارتاسىن ورىنداۋعا بايلانىستى الداعى كەزەڭگە پارتيا قىزمەتىنىڭ باسىم ماسەلەلەرىنە باسا نازار اۋداردى.

سونداي-اق، پارتيانىڭ جارعىسىنا سايكەس وبلىستىق فيليالدىڭ سايلانبالى ورگاندارى -ساياسي كەڭەسىنىڭ، ساياسي كەڭەس بيۋروسىنىڭ جانە باقىلاۋ-تەكسەرۋ كوميسسياسىنىڭ وكىلەتتىگىنىڭ مەرزىمى اياقتالعانىن اتاپ ءوتتى. ەكى جىل ىشىندە وراسان جۇمىستار اتقارىلىپ، كوپتەگەن جەتىستىكتەر مەن ناتيجەلەرگە قول جەتكىزىلگەن.

وبلىسىمىزداعى پارتيا ۇيىمدارىندا پرايمەريز وتكىزۋ كەزەڭى، ەلەكتورالدى كەزەڭ جانە سايلاۋ ناۋقانى كەزەڭى جوعارى جاۋاپكەشىلىكپەن جۇزەگە اسىرىلدى. پارتيا باسشىلىعى مەن مەملەكەت باسشىسى قويعان مىندەتتەردى ءبىز ورىندادىق: دەپۋتاتتار اراسىندا 30% – دان استامى-29 جاسقا دەيىنگى ايەلدەر مەن جاستار؛ 20% - ى 35 جاسقا دەيىنگى جاستار. ورتاشا جاسى - 47 جاس.

جاڭادان سايلانعان باستاۋىش پارتيا ۇيىمدارىنىڭ ءتوراعالارى اراسىندا ايەلدەردىڭ ۇلەسى 33%-دى، ال 35 جاسقا دەيىنگى جاستاردىڭ ۇلەسى 26% - دى قۇرادى.

ايتا كەتۋ كەرەك، 2019-2020 جىلدارى وبلىستىق فيليالدىڭ قوعامدىق قابىلداۋىنا 10 مىڭنان استام ءوتىنىش كەلىپ ءتۇستى، ونىڭ 69% بولسا، اعىمداعى جىلدا 39 %-ى وڭ شەشىمىن تاپتى. ەكى جىل ىشىندە ءماسليحات دەپۋتاتتارى، مەملەكەتتىك ورگانداردىڭ باسشىلارى، اكىمدەر مەن اكىم ورىنباسارلارى، زاڭگەرلەرمەن 3440 قابىلداۋ وتكىزىلىپ، قابىلداۋعا 4948 ادام كەلدى.

ەسەپتى كەزەڭدە اتقارىلعان جۇمىستى قورىتىندىلاعان پارتيانىڭ وبلىستىق فيليالى ءتوراعاسىنىڭ ءبىرىنشى ورىنباسارى مۇرات مۇقايەۆ پارتيالىق جوبالارعا كەڭىرەك توقتالدى. ونىڭ ايتۋىنشا ارداگەرلەر، مۇگەدەكتەر، جاستار، بالالار، انالار جانە بيزنەس پروبلەمالارىن جۇيەلى شەشۋگە باعىتتالعان «ارداگەرلەردى ارداقتايىق»، «كەدەرگىسىز كەلەشەك»، «باقىتتى وتباسى»، «حالىققا كومەك» اتتى پارتيالىق جوبالار بويىنشا ءتيىمدى جۇمىس جۇرگىزىلگەندىگىن اتاپ ءوتتى.

ۇلى وتان سوعىسىنىڭ قاتىسۋشىلارى مەن ارداگەرلەرىنە جانە تىل ەڭبەككەرلەرىنە جالپى 77 ادامعا، ازىق-تۇلىك سەبەتتەرى تابىستالدى.

«كەدەرگىسىز كەلەشەك» جوباسى اياسىندا «اربا» قوعامدىق بىرلەستىگىنىڭ قاتىسۋىمەن قوعامدىق باقىلاۋ توبى وبلىس ورتالىعىنداعى 100-گە جۋىق نىساننىڭ، سونىمەن قاتار قوعامدىق كولىكتىڭ مۇمكىندىگى شەكتەۋلى ازاماتتارعا قولجەتىمدىلىگىن تەكسەردى. بۇل جۇمىس جالعاسىن تابۋدا.

«باقىتتى وتباسى» جوباسى اياسىندا ءتيىستى مەملەكەتتىك ورگاندار وكىلدەرىنەن تۇراتىن جەدەل ءموبيلدى توپتار قۇرىلىپ، ومىرلىك قيىن جاعدايعا تاپ بولعان كوپبالالى، تولىق ەمەس، از قامتىلعان وتباسىلارداعى بالالاردىڭ جاعدايىن مونيترينگىلەۋ، بۇدان ءارى ءتيىستى كومەك كورسەتۋ بويىنشا قىزمەت اتقارۋدا.

مادەنيەت پەن ونەردى دامىتۋ ماسەلەلەرى جونىندەگى «ميراس» ايماقتىق قوعامدىق كەڭەسى مۇشەلەرىنىڭ باستاماسىمەن ورال قالاسىنداعى حالىقارالىق اەروپورتقا كاھارمان اپامىز مانشۇك مامەتوۆانىڭ اتىن بەرۋ جونىندە ۇسىنىس ونوماستيكالىق كوميسسياسىنا جولداندى.

تاۋەلسىزدىگىمىزدىڭ 30-جىلدىعىنا ارنالعان شارالارعا بەلسەندى قاتىسىپ، يدەولوگيالىق باعىتىن كوپشىلىك اراسىندا دارىپتەلۋدە.

جىلدىڭ باسىنان بەرى تاۋەلسىزدىگىمىزدىڭ 30-جىلدىعىنا ارنالعان مەرەيلى داتاعا كوپتەگەن سپورتتىق ۇلتتىق ويىندار وتكىزىلدى، ءناۋرىز-ساۋىر ايلارىندا تازالىق اپتالىقتارى جۇرگىزىلدى، 1000-نان استام كوشەت وتىرعىزىلدى.

سونداي-اق «BIRGEMIZ» رەسپۋبليكالىق اكسياسى اياسىندا حالىقتىڭ اسا مۇقتاج 6 توبىنىڭ وكىلدەرىنە (29 254 وبلىس تۇرعىنىنا) 50 000 تەڭگەدەن (جالپى سوماسى 1،4 ملرد.تەڭگە) كومەك كورسەتىلدى، 9 200 وتباسىعا ازىق-تۇلىك سەبەتتەرى ۇلەستىرىلدى.

پارتيادان سايلانعان وبلىستىق، قالالىق، اۋداندىق ءماسليحات دەپۋتاتتارى ۇگىت-ناسيحات ۋاقىتىندا جيناقتاعان اماناتتاردى بىرتىڭدەپ شەشۋدە.

ايتا كەتۋ كەرەك، قىسقا مەرزىمدى جانە ورتا مەرزىمدى اماناتتاردىڭ باسىم بولىگى 60 پايىزى جۇزەگە اسىرىلدى. شەشىلمەگەن ماسەلەلەر بويىنشا دەپۋتتار تۇرعىندار اراسىندا جانە الەۋمەتتىك جەلى ارقىلى دا ءتۇسىندىرۋ جۇمىستارىن جۇرگىزۋدە – دەپ ءوز بايانداماسىن قورىتىندىلادى مۇرات مۇقايەۆ.

ءوز ءسوزىن اياقتاي كەلە، وبلىستىق فيليالدىڭ ءتوراعاسى بۇگىنگى تاڭدا باستاۋىش پارتيا ۇيىمدارىنىڭ، پارتيانىڭ اۋماقتىق جانە وڭىرلىك فيليالدارىنىڭ جۇمىسىنداعى نەگىزگى باسىمدىق، ءسوزسىز، «وزگەرىستەر جولى: اركىمگە لايىقتى ءومىر» «Nur Otan» پارتياسىنىڭ سايلاۋالدى باعدارلامالارىن جۇزەگە اسىرۋ بويىنشا ءاربىر اۋداننىڭ، قالانىڭ، وبلىستىڭ جول كارتالارىندا بەكىتىلگەن حالىقتىڭ بارلىق وتىنىشتەرى مەن ۇسىنىستارىن باقىلاۋدى ۇيىمداستىرۋ جانە ءمىنسىز ورىندالۋىن قامتاماسىز ەتۋ ەكەندىگىن اتاپ ءوتتى.