2005 جىلعى 12 قاراشادا ۇيىندە ءولى تابىلعان وپپوزيسيا جەتەكشىسى زامانبەك ءنۇرقادىلوۆتىڭ كىشى قىزى مەرەي ءنۇرقادىلوۆا TikTok جەلىسىندە اكەسىمەن بىرگە تۇسكەن مۇراعات كادرلارىن كورسەتكەن ۆيدەو جاريالادى.
ۆيدەو اعىلشىن تىلىندەگى "مەن بارلىق ەركەكتەردى جەك كورەمىن، ءبىراق ول..." دەگەن فرازادان باستالىپ، ءارى قاراي مەرەي مەن اكەسىنىڭ سۋرەتتەرى كەتەدى. مەرەي ءنۇرقادىلوۆا بۇل سوزدەرى ارقىلى نە ايتقىسى كەلگەنى بەلگىسىز.
زامانبەك ءنۇرقادىلوۆ ۇزاق جىل بيلىكتە ءتۇرلى لاۋازىمدى قىزمەتتەر اتقارىپ، ءومىرىنىڭ سوڭعى جىلدارى بيلىكتەن كەتىپ، وپپوزيسياعا وتكەن. ەلدىڭ تۇڭعىش پرەزيدەنتى نۇرسۇلتان نازاربايەۆتى سىناپ، 2004 جىلى جەمقورلىققا قارسى قوعامدىق كوميتەت قۇراتىنىن جاريالاپ، "ادىلەتتى قازاقستان ءۇشىن" وپپوزيسيالىق قوزعالىسىنىڭ قۇرىلتاي كوميتەتىنە ەنگەن.
2005 جىلعى 12 قاراشادا ساياساتكەر الماتىداعى ۇيىندە جۇمباق جاعدايدا مەرت بولعان. تەرگەۋ امالدارى "ءنۇرقادىلوۆ ءوز-وزىن ەكى رەت كەۋدەسىنەن جانە ءبىر رەت باسىنان تاپانشادان اتىپ قازا بولعان" دەگەن قورىتىندى جاساعان.
ول كەزدە مەرەي نەبارى ءۇش جاستا ەدى.
پوسموترەت ەتۋ پۋبليكاسيۋ ۆ Instagram
پىكىر قالدىرۋ