مەملەكەت باسشىسى قاسىم-جومارت توقايەۆ تاجىكستان پرەزيدەنتى ەمومالي راحموننىڭ شاقىرۋى بويىنشا ەكى كۇندىك رەسمي ساپارمەن دۋشانبەگە باردى. بۇل تۋرالى پرەزيدەنتتىڭ باسپا ءسوز حاتشىسى بەرىك ءۋالي facebook پاراقشاسىندا حابارلادى.
بۇل – قازاقستان پرەزيدەنتىنىڭ بيىلعى العاشقى شەتەلدىك ساپارى.
قازاقستان پرەزيدەنتىن دۋشانبە حالىقارالىق اۋەجايىندا تاجىكستاننىڭ پرەزيدەنتى ەمومالي راحمون جانە باسقا دا رەسمي تۇلعالار كۇتىپ الدى.
– ەرتەڭ تۇسكە دەيىن قاسىم-جومارت توقايەۆ پەن ەمومالي راحمون شاعىن جانە كەڭەيتىلگەن فورماتتا كەلىسسوزدەر جۇرگىزەدى دەپ جوسپارلانعان. كەلىسسوزدەر قورىتىندىسى بويىنشا ءبىرقاتار ەكىجاقتى قۇجاتقا قول قويىلماق. سونداي-اق مەملەكەت باسشىلارى ب ا ق وكىلدەرى ءۇشىن باسپا ءسوز ءماسليحاتىن وتكىزەدى، – دەپ جازدى بەرىك ءۋالي.
بۇدان بولەك ساپار باعدارلاماسىنا سايكەس قاسىم-جومارت توقايەۆ يسمويل ءسومونيدىڭ ەسكەرتكىشىنە گۇل شوعىن قويۋ راسىمىنە قاتىسادى جانە مادجليسي نامويانداگون مادجليسي ولي توراعاسىمەن جانە تاجىكستاننىڭ پرەمەر-مينيسترىمەن كەزدەسەدى.
پىكىر قالدىرۋ