پرەمەر-مينيستر اسقار مامين دەنساۋلىق ساقتاۋ مينيسترلىگى مەن اكىمدىكتەرگە ۆاكسينالاۋ قارقىنىن ارتتىرۋدى تاپسىردى. بۇل تۋرالى ول ۇكىمەتتىڭ كەڭەيتىلگەن وتىرىسىندا ايتتى.

– ۆيرۋستىڭ رەپرودۋكتيۆتىلىك يندەكسى 0،95 قۇرايدى. اۋرۋحانالارداعى توسەك-ورىندار – 33، جان ساقتاۋ بولىمدەرى 26 پايىزعا تولى. دەگەنمەن 6 ءوڭىر "قىزىل" ايماقتا. ونىڭ ىشىندە نۇر-سۇلتان، الماتى، باتىس قازاقستان، اقمولا، قاراعاندى، اتىراۋ وبلىستارى تۇر. بۇگىنگى تاڭدا كوروناۆيرۋسقا قارسى شامامەن 3 ملن ەكپە جاسالدى. سونىڭ ىشىندە، العاشقى كومپونەنتپەن 2 ملن-نان استام، ەكىنشى كومپونەنتپەن 1 ملن-عا جۋىق ادام ۆاكسينا الدى، – دەدى ۇكىمەت باسشىسى.

ول ۆاكسينا قورلارىن تولتىرۋ، ەگۋ پۋنكتتەرىنىڭ سانىن ارتتىرۋ بويىنشا شارالار قابىلدانىپ جاتقانىن اتاپ ءوتتى.

– ۆاكسينانىڭ بولۋ-بولماۋى بويىنشا ەشقانداي پروبلەما جوق. ءقازىر ەگۋ ناۋقانىن كەڭەيتۋ پاندەميامەن كۇرەسۋدە ەڭ ماڭىزدى مىندەت بولىپ تابىلادى. دەنساۋلىق ساقتاۋ مينيسترلىگى مەن اكىمدىكتەرگە ۆاكسينالاۋ قارقىنىن ارتتىرۋدى تاپسىرامىن. "Ashyq" ءموبيلدى قوسىمشاسى قىزمەت كورسەتۋ سالاسىندا بەلسەندى قولدانىلۋدا، – دەدى مامين.