اقش پرەزيدەنتى دجو بايدەن كوۆيد-19 پاندەمياسىنىڭ پايدا بولۋ سەبەبىن مۇقيات بارلاۋ تۋرالى بۇيرىق بەرگەنىن حابارلادى.
بايدەن وسى جىلدىڭ باسىندا بارلاۋ قاۋىمداستىعىنا "كوۆيد-19-دىڭ شىعۋ تەگى تۋرالى، سونىڭ ىشىندە ۆيرۋستىڭ جانۋارلاردان ادامعا جۇققانى نەمەسە زەرتحانالىق اپاتتان تۋىنداعانى تۋرالى ەڭ زاماناۋي تالداۋمەن ەسەپ دايىنداۋ" تۋرالى تاپسىرما بەرگەنىن ايتتى.
"بۇگىنگى كۇنى اقش بارلاۋ قاۋىمداستىعى مۇمكىن ەكى سەنارييگە تۇراقتادى، ءبىراق بۇل ماسەلە بويىنشا ناقتى ءبىر قورىتىندىعا قول جەتكىزە المادى" دەدى بايدەن.
مەن ءقازىر بارلاۋ قوعامداستىعىنان ءبىزدى تۇپكىلىكتى تۇجىرىمعا جاقىنداتا الاتىن اقپاراتتى جيناۋ جانە تالداۋ بويىنشا ىس-ارەكەتتەردى كۇشەيتۋدى جانە 90 كۇن ىشىندە ماعان ەسەپ بەرۋىن سۇرادىم" دەدى بايدەن.
پىكىر قالدىرۋ