مالايزيا سىرتقى ىستەر مينيسترلىگى سەيسەنبىدە مالايزيانىڭ اسكەري كۇشتەرى وڭتۇستىك جۇڭگو تەڭىزى ۇستىندە "كۇدىكتى" ارەكەتتى انىقتاعانىن حابارلادى. كەيىنىرەك جۇڭگو ەلشىسىن شاقىرىپ، مالايزيانىڭ ەكسكليۋزيۆتى ەكونوميكالىق ايماعىنا بەيجىڭ كۇشتەرىنىڭ كىرۋىن ءتۇسىندىرۋ كەرەكتىگىن مالىمدەدى.
مالايزيانىڭ اسكەري-اۋە كۇشتەرى جۇڭگو سوعىس ۇشاقتارى تەرريتورياعا كىرگەنىنە نارازىلىق ءبىلدىرىپ، بۇل وقيعانى "ۇلتتىق ەگەمەندىك پەن ۇشۋ قاۋىپسىزدىگىنە ۇلكەن قاتەر" دەپ سيپاتتادى.
"جۇڭگو ۇشاقتارى بىرنەشە رەت نۇسقاۋلىق بەرىلگەنىنە قاراماستان، ايماقتىق اۋە قوزعالىسىن باسقارۋ ورتالىعىمەن بايلانىسقا شىقپادى" دەپ حابارلادى مالايزيا اۋە كۇشتەرى.
پىكىر قالدىرۋ