قوستاناي وبلىسى مەڭدىقارا اۋداندىق ءبىلىم ءبولىمىنىڭ باسشىسى قالىبەك جۇگىنىسوۆ وزىنە قول جۇمساعان. وقيعا 2 ماۋسىمدا بولعان، دەپ جازادى "توبولينفو" اقپارات اگەنتتىگى.

قالىبەك جۇگىنىسوۆ 2 اپتادان بەرى ءۇيقاماقتا بولعان. وعان قاتىستى جەمقورلىق بابى بويىنشا سوتقا دەيىنگى تەرگەۋ جۇرگىزىلىپ جاتقان. 2 ماۋسىمدا ايەلى قوستاناي كەتىپ، جۇگىنىسوۆ ۇيدە جالعىز قالعان. كەشكە تۋىستارى ونى اسىلىپ تۇرعان جەرىنەن تاپقان.

اۋداندىق ءبىلىم ءبولىمى باسشىسىنىڭ مىندەتىن اتقارۋشى ازامات جانايداروۆ قالىبەك جۇگىنىسوۆ قىزىلوردا وبلىسىنىڭ تۋماسى ەكەنىن، 2015 جىلى قوستاناي وبلىسىنا كەلىپ، مەڭدىقارا اۋدانى اكىمىنىڭ ورىنباسارى قىزمەتىن اتقارعانىن ايتقان. ال ءۇش جىل بۇرىن ول ءبىلىم ءبولىمىنىڭ باسشىسى قىزمەتىنە تاعايىندالعان.

– ۇجىمىمىز ونى قاتتى سىيلايتىن. ول ەشكىمنىڭ قولىن قاقپايتىن، بارىنە كومەكتەسۋشى ەدى. ءبىلىم سالاسى، قىزمەتكەرلەرى، جۇمىس ءۇشىن ۇنەمى الاڭداۋشىلىق ءبىلدىرىپ جۇرەتىن. جاۋاپكەرشىلىگى مول بولاتىن. بولعان جايت بىزگە اۋىر ءتيدى. ءبىز ونىڭ وتباسىنا قايعىرا كوڭىل ايتامىز، –  دەيدى ازامات جانايداروۆ.

قالىبەك جۇگىنىسوۆكە زەينەتكە دەيىن 3 جىل قالعان. ونىڭ ارتىندا ايەلى، ەرەسەك ءۇش بالاسى قالدى.