اقتوبە وبلىسىنىڭ باس سانيتار دارىگەرى ن.بەركىمبايەۆا كارانتين شارالارىنا ءبىرقاتار وزگەرىس ەنگىزدى.
قاۋلى 2021 جىلدىڭ 4 ماۋسىمى ساعات 00:00-دەن باستاپ كۇشىنە ەنەدى.
جاڭا قاۋلىدا:
- اشىق اۋاداعى اكۆاپاركتەردىڭ قىزمەتىنە رۇقسات بەرىلەدى؛
- جاعاجايلاردىڭ جۇمىسىنا رۇقسات ەتىلەدى؛
- كەڭەستەردى (وتىرىستاردى) كۇندىزگى رەجيمدە وتكىزۋگە (ولاردى قاشىقتىقتان وتكىزۋ مۇمكىندىگى بولماعان كەزدە) رۇقسات بەرىلەدى؛
- بەتپەردە رەجيمىن، الەۋمەتتىك قاشىقتىقتى ساقتاي وتىرىپ، اشىق اۋادا كينوتەاترلاردىڭ جۇمىسىنا رۇقسات ەتىلەدى؛
- ۇلتتىق قۇرامالار، كلۋبتىق كوماندالار ءۇشىن سپورتتىق جاتتىعۋلاردى (30 ادامنان ارتىق ەمەس، دەنەمەن جاناسپايتىن ادىسپەن دەنە قىزۋىن ولشەۋ، سپورت بازالارىندا تۇرۋ) وتكىزۋگە بولادى؛
- سپورتشىلار مەن جاتتىقتىرۋشىلار قۇرامى COVID-19-عا قارسى ۆاكسيناسيالاۋدىڭ تولىق كۋرسىن العانى تۋرالى قۇجاتتامالىق راستاۋ ۇسىنعان جاعدايدا وبلىستىق كوماندالاردى دايىنداۋ ءۇشىن وقۋ-جاتتىعۋ جيىندارىن قايتا باستاۋعا بولادى؛
- قوعامدىق ورىنداردا، حالىقتىڭ كەلۋىنە، قىزمەت كورسەتۋىنە جانە دەمالۋىنا ارنالعان ءۇي-جايلاردا، قوعامدىق كولىكتە (ونىڭ ىشىندە تاكسيدە)، قوعامدىق ورىندارىنداعى اشىق اۋادا بولعان كەزدە بارلىق ادامدارعا مەديسينالىق نەمەسە ماتا بەتپەردەلەرىن مىندەتتى تۇردە تاعۋى قاجەت؛
- اتا-انالاردىڭ ءوتىنىشى بويىنشا سىنىپتا بالالار سانىن 15 ادامنان اسىرماي، بارلىق سىنىپ وقۋشىلارى ءۇشىن جازعى مەكتەپتەردە وقۋعا رۇقسات بەرىلەدى؛
- ورتا جانە جوعارى وقۋ ورىندارىنىڭ I كۋرس ستۋدەنتتەرى شتاتتىق رەجيمدە وقي الادى.
قاۋلىنىڭ تولىق نۇسقاسىمەن مىنا سىلتەمەدە.
پىكىر قالدىرۋ