ءبىر تاۋلىكتە ەلدە 1191 ادامنان كوروناۆيرۋس تابىلىپ، 89 ناۋقاستان پنيەۆمونيا انىقتالعان. 15 ادام كوروناۆيرۋستان، 3 ادام پنيەۆمونيادان قايتىس بولعان. بۇل تۋرالى دەنساۋلىق ساقتاۋ مينيسترلىگى حابارلادى.

ەلدە كوروناۆيرۋس جۇقتىرعانداردىڭ جالپى رەسمي سانى 394 705 ادامعا جەتسە، 2020 جىلعى 1 تامىزدان باستاپ جۇرگىزىلىپ كەلە جاتقان پنيەۆمونيا ستاتيستيكاسىنا سايكەس، 55 783 ادامنان پنيەۆمونيا انىقتالعان.

6 ماۋسىمداعى اقپارات بويىنشا 24 709 ادام كوروناۆيرۋس پەن پنيەۆمونيادان ەمدەلىپ جاتىر. ولاردىڭ ىشىندە 8 653 پاسيەنت ستاسيوناردا، 16 056 ناۋقاس امبۋلاتوريالىق دەڭگەيدە ەم قابىلداۋدا. ىندەتكە شالدىققانداردىڭ اراسىندا 573 ادامنىڭ جاعدايى اۋىر، 130 پاسيەنتتىڭ جاعدايى وتە اۋىر، 77 ناۋقاس ءوجج اپپاراتىندا جاتىر.

2021 جىلعى 6 ماۋسىمداعى مالىمەت بويىنشا قازاقستاندا I كومپونەنتپەن 2 230 018، ءىى كومپونەنتپەن 1 179 504 ادام كوروناۆيرۋسقا قارسى ۆاكسينا سالدىردى.