قازاقستاننىڭ تاعى ءبىر قالاسى كوروناۆيرۋستىڭ تارالۋ دەڭگەيى بويىنشا "جاسىل" ايماققا كىردى. بۇل تۋرالى COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيا حابارلادى.
كوروناۆيرۋس ينفەكسياسى بويىنشا قازاقستان وڭىرلەرىندەگى ەپيدەميولوگيالىق احۋالدى باعالاۋ ماتريساسىنا سايكەس، نۇر-سۇلتان قالاسى جانە قاراعاندى وبلىسى "قىزىل" ايماقتا تۇر.
الماتى قالاسى مەن اتىراۋ، اقمولا، باتىس قازاقستان جانە پاۆلودار وبلىستارى "سارى" ايماقتا ورنالاسقان.
ال "جاسىل" ايماقتا شىمكەنت قالاسى مەن الماتى، اقتوبە، شىعىس قازاقستان، جامبىل، قوستاناي، قىزىلوردا، ماڭعىستاۋ، سولتۇستىك قازاقستان جانە تۇركىستان وبلىسى.
بۇعان دەيىن قوستاناي قالاسى كوروناۆيرۋستىڭ "سارى" ايماعىندا بولاتىن.
پىكىر قالدىرۋ