قوعامدىق ورىندارعا كىرۋ ءۇشىن ەندى Ashyq سەرۆيسى بار Halyk Homebank قوسىمشاسىن پايدالانۋعا بولادى. جوبا قازاقستان رەسپۋبليكاسىنىڭ سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن بىرلەسىپ ىسكە اسىرىلدى. قازىرگى ۋاقىتتا فۋنكسيونال Android پايدالانۋشىلارى ءۇشىن قولجەتىمدى، iOS پايدالانۋشىلارى ءۇشىن – جاقىن ارادا پايدا بولادى.

– Ashyq سەرۆيسىنىڭ Halyk Homebank قوسىمشاسىندا پايدا بولۋى – ءبىزدىڭ تانىمال قوسىمشامىزدى قولداناتىن 6،5 ميلليوننان استام ەل ازاماتى دەنساۋلىعىنا ءقاۋىپ توندىرمەي قوعامدىق ورىندارعا بارۋ مۇمكىندىگىن الدى دەگەن ءسوز. جوبا ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن بىرلەسىپ ىسكە قوسىلدى. مەملەكەتتىك ورگاندارمەن وسىنداي بىرلەسە اتقارعان جۇمىس جانە Halyk Bank-تە ىسكە قوسىلاتىن تەحنولوگيالاردىڭ ارقاسىندا ءبىزدىڭ كليەنتتەرىمىزدىڭ مۇمكىندىكتەرى ۇنەمى كەڭەيىپ وتىرادى. Halyk Homebank قوسىمشاسىن جانە وعان بىرىكتىرىلگەن Ashyq سەرۆيسىن پايدالانا وتىرىپ، قازاقستاندىقتار سۇيىكتى ورىندارىنا كەدەرگىسىز بارا الادى"، – دەيدى Halyk Bank باسقارما ءتورايىمى ءۇمىت شاياحمەتوۆا.

يننوۆاسيالار جانە اەروعارىش قىزمەتى سيفرلاندىرۋ ءمينيسترى باعدات مۋسين مينيسترلىكتىڭ پاندەميا كەزىندە بيزنەسكە كوبىرەك مۇمكىندىك بەرۋ جانە حالىق اراسىندا جۇقتىرۋ ءقاۋپىنىڭ تومەندەۋىنە ىقپال ەتۋگە دەگەن نيەتىن Halyk Bank باسشىلىعى قولداعانىن جەتكىزدى.

– ەندى Ashyq سەرۆيسىن Halyk Homebank قوسىمشاسىندا قولدانۋعا بولادى. بانكتىڭ بيزنەستى قولداۋ تۋرالى ءبىزدىڭ ۇسىنىسىمىزدى قابىلداعانى جوعارى الەۋمەتتىك جاۋاپكەرشىلىگىن بىلدىرەدى! ءىرى كوممەرسيالىق قۇرىلىمدارمەن ىنتىماقتاستىق مەملەكەتتىك قىزمەتتەردىڭ ۇسىنىلۋىن جاڭا دەڭگەيگە شىعارۋعا مۇمكىندىك بەرەدى، – دەپ اتاپ ءوتتى ول.

Halyk Homebank قوسىمشاسىندا Ashyq سەرۆيسىن قوسۋ جانە ءوشىرۋ مۇمكىندىگىن ەنگىزىلگەن. ەگەر كليەنت Ashyq سەرۆيسىن قولدانامىن دەپ شەشىم قابىلداسا، وندا قاجەتتى مەكەمەگە بارۋ كەزىندە Halyk Homebank قوسىمشاسىن اشىپ، فۋنكسيونالدى قوسىپ جانە مەكەمەنىڭ كىرە بەرىسىندە ورنالاسقان Ashyq باعدارلاماسىنىڭ QR-كودىن سكانەرلەۋ قاجەت. نىسانعا كىرۋگە رۇقسات بەرەتىن ءتيىستى مارتەبە كورسەتىلگەننەن كەيىن مەكەمە قىزمەتكەرىنە كىرۋگە رۇقسات مارتەبەسىن كورسەتۋ قاجەت.

Halyk Homebank قوسىمشاسى ارقىلى QR سايكەستەندىرۋدى قاجەت ەتپەي-اق كەز كەلگەن ۋاقىتتا ءوز مارتەبەسىن تەكسەرۋگە مۇمكىندىك بەرەدى. ول ءۇشىن Halyk Homebank قوسىمشاسىنا كىرىپ، باستى بەتتەگى Ashyq ءبولىمىن تاڭداۋ قاجەت. قوعامدىق ورىندارعا كىرۋگە رۇقسات بەرەتىن نەمەسە شەكتەيتىن مارتەبە سمارتفون ەكرانىندا كورسەتىلەدى.

قازىرگى ۋاقىتتا قوسىمشادا بەرىلگەن مارتەبەنىڭ 4 دەڭگەيى بار:

ءقاۋىپسىز – ەشقانداي شەكتەۋلەر جوق، پتر تەستى تەرىس؛

بەيتاراپ - شەكتەۋلەر تەك پتر سىناعى قاجەت ەتەتىن جەرلەردە عانا؛

بايلانىس – وبەكتىلەرگە بارۋدى ءىشىنارا شەكتەۋ

جۇقتىرعان – قوعامدىق ورىندارعا بارۋعا رۇقسات ەتىلمەيدى. پتر سىناعى وڭ.

سەرۆيستى پايدالانۋ ءۇشىن Halyk Homebank قوسىمشاسىن جاڭارتۋ كەرەك.