ىشكى ىستەر ءمينيسترى ەرلان تۇرعىمبايەۆ پاندەميا ۋاقىتىندا ينتەرنەت ارقىلى جاسالاتىن قىلمىس سانى ارتقانىن مالىمدەدى. بۇل تۋرالى ول ورتالىق كوممۋنيكاسيالار الاڭىندا وتكەن حالىق الدىندا ەسەپ بەرۋ كەزدەسۋىندە ايتتى.
– ونلاين قىزمەتتەردىڭ دامۋىنا وراي ينتەرنەتپەن جاسالاتىن الاياقتىق 2 ەسەگە كوبەيدى. 450 ادام جاۋاپقا تارتىلدى. وسى قىلمىستاردىڭ ناتيجەسىندە ازاماتتارعا 67 ملن تەڭگە شىعىن كەلدى. وسىعان بايلانىستى ىشكى ىستەر مينيسترلىگى كەيبىر قىلمىسپەن كۇرەس ورتالىعىنىڭ جۇمىسىن كۇشەيتتى. تەك وسى قىلمىستاردى اشاتىن ارنايى توپتار قۇرىلدى.
الاياقتىق ىستەردىڭ الدىن-الۋ ءۇشىن باسقا مەملەكەتتەرمەن تىعىز قارىم-قاتىناس ورناتۋدامىز. ويتكەنى شەتەلدە قازاقستان ازاماتتارىن الدايتىندار كوبەيىپ كەتتى. وسى جىلدىڭ وزىندە بەلارۋس، رەسەي، ۋكراينا ەلدەرىندە ازاماتتارىمىزدى الداعان 3 مىڭعا جۋىق فاكت تىركەلدى، – دەدى تۇرعىمبايەۆ.
مينستر ازاماتتاردى ونلاين ساۋدا جاساۋ كەزىندە اباي بولۋعا شاقىردى.
پىكىر قالدىرۋ