جامبىل وبلىسى مەركى اۋدانىندا بىرنەشە ەر ادام اراسىندا جانجال بولىپ، سونىڭ سالدارىنان ءبىر ادام كوز جۇمدى. وقيعانىڭ جاي-جاپسارىن جامبىل وبلىسى پوليسيا دەپارتامەنتىنىڭ باستىعى جانات سۇلەيمەنوۆ ايتىپ بەردى.

وقىس وقيعا 9 ماۋسىم ساعات 21:20-دا بولعان. پوليسيا مالىمەتىنشە، شارۋا قوجالىعىنىڭ يەسى مەن جەرگىلىكتى 3 تۇرعىن اراسىندا جانجال تۋعان. ونىڭ بارىسىندا ەر ادامداردىڭ ءبىرى فازەندا يەسىنە تىركەلگەن تەگىس ۇڭعىلى مىلتىقتان وق اتىپ، شارۋا قوجالىعىنىڭ يەسىن جارالاعان. ارتىنشا شارۋا قوجالىعىنىڭ يەسى وق اتقانداردىڭ سوڭىنان قۋىپ، ولاردىڭ كولىگىن سوققان. جول اپاتى كەزىندە كولىك جۇرگىزۋشىسى وقيعا ورنىندا كوز جۇمدى، تاعى ءبىر ەر ادام اياعى مەن قولىنان جاراقات الىپ، مەركى اۋىلىنداعى اۋداندىق ورتالىق اۋرۋحاناعا جاتقىزىلدى.

ءقازىر تاڭدا اتالعان وقيعانىڭ بارلىق قاتىسۋشىلارى ۇستالىپ، سوتقا دەيىنگى تەرگەۋ جۇرگىزىلىپ جاتىر. قاجەتتى ساراپتامالار تاعايىندالعان. ءىستىڭ ءمان-جايى انىقتالۋدا.