Tesla جانە SpaceX كومپانيالارىنىڭ باس اتقارۋشى ديرەكتورى، امەريكالىق ميللياردەر يلون ماسك قازاقستانعا سالەم جولدادى.
بلوگەر بەيبىت الىبەكوۆتىڭ Telegram كانالىندا جاريالانعان ۆيدەودا يلون ماسك Tesla Motors سەرۆيسى قازاقستاندا وسى جىلدىڭ سوڭىندا نەمەسە كەلەسى جىلى پايدا بولاتىنىن ايتقان.
– ءبىزدىڭ اقش-تاعى ءتىلشىمىز انۋاربەك يمانبايەۆ TESLA PLAID پرەزەنتاسياسىنان ۆيدەو جولدادى. يلون ماسك وعان Tesla Motors سەرۆيسى قازاقستاندا بيىل نەمەسە كەلەسى جىلى مىندەتتى تۇردە پايدا بولادى دەپ جاۋاپ بەردى. الايدا ميللياردەر تەحاس پەن بەرليندى اتاپ ءوتىپ، Gigafactory Kazakhstan (TESLA-عا تيەسىلى زاۋىت) تۋرالى جاۋاپ بەرمەدى، – دەپ جازدى بەيبىت اليبەكوۆ.
پىكىر قالدىرۋ