ءماجىلىس دەپۋتاتى سەرىك ەرۋبايەۆ پرەمەر-مينيستردىڭ ورىنباسارى ەرالى توعجانوۆقا ءبىلىم مينيسترلىگىنە قايتا تەستىلەۋدى قىسقا ۋاقىت ىشىندە ۇيىمداستىرۋدى سۇراپ، دەپۋتاتتىق ساۋال جولدادى. 

دەپۋتات ءسوز باسىندا بيىل مەكتەپ تۇلەكتەرى ۇلتتىق ءبىرىڭعاي تەستىنى جاڭا فورماتتا تاپسىرىپ جاتقانىن، تۇلەكتەر قاجەت بولعان جاعدايدا تەستتى قايتا تاپسىرۋعا مۇمكىندىك العانىن اتاپ ءوتتى.

وسىعان بايلانىستى، وتكەن وقۋ جىلى قاشىقتان وقىتۋ جانە سترەسستىك جاعداي تۇلەكتەر كورسەتكىشتەرىنىڭ ناشارلاۋىنا ىقپال ەتكەنىن ايتتى.

– وتكەن جىلداردىڭ ستاتيستيكاسىن ءبارىمىز بىلەمىز، قانشا تۇلەك سترەسسكە توتەپ بەرە الماي، توتەنشە شارالارعا باردى. قۇداي ساقتاسىن ودان. 

سونىمەن بىرگە، بۇل بالالار قىلمىسكەر ەمەس جانە قوعام الدىندا ەشتەڭەگە كىنالى ەمەس، لايىقتى ءبىلىم الۋعا جانە ومىردە جەتىستىككە جەتۋگە دەگەن نيەتتەرى بار. ءبىز جاستارىمىزدى ازاپتاپ ەمەس، تاباندىلىقپەن جىگەرلەندىرگەن دۇرىس بولار ەدى.

ۇلكەن بيىكتەرگە جەتكەن تابىستى مەملەكەت قايراتكەرلەرى مەن كاسىپكەرلەردىڭ كوپتەگەن مىسالدارىن بىلەمىز. مىسالى، الەمدەگى ەڭ باي ادامداردىڭ ءبىرى الي بابا دۇنيەجۇزىلىك ساۋدا ينتەرنەت جۇيەسىن جاساۋشى دجەك ما - 10 رەت ۋنيۆەرسيتەتكە ءتۇسۋ ەمتيحاندارىن تاپسىرا الماپتى.

ال ۇلى عالىم، سالاستىرمالىق تەورياسىنىڭ اۆتورى البەرت ەينشتەين، مەكتەپتە وقىعاندا توپاس وقۋشى دەپ ەسەپتەلەتىن.

ءيا، كەيبىر بالالاردىڭ تالانتتارىن كوپشىلىك جۇرە بارا بايقايدى. الىسقا بارماي-اق، ءوز ماقتانىشىمىز ديماش قۇدايبەرگەن سوعان سوعان ايقىن دالەل.

سوندىقتان ءبىزدىڭ تۇلەكتەرىمىزءدىڭ الدىندا ەسىك جابۋدىڭ قاجەتى جوق. ولاردىڭ اراسىنان بولاشاق جەتەكشىلەر، تالانتتار، نە جاي لايىقتى ازاماتتار شىعۋى مۇمكىن، – دەيدى ول.

دەپۋتاتتىڭ سوزىنشە، ۇبت-نى قايتا تاپسىرۋدىڭ كەشىكتىرىلۋى ەشتەڭەمەن نەگىزدەلمەگەن جانە ايقىن تاۋەكەلدەرگە الىپ كەلەدى.

وسىعان بايلانىستى، ۇكىمەت باسشىسىنىڭ ورىنباسارىنان شۇعىل تۇردە ءبىلىم مينيسترلىگىنە قايتا تەستىلەۋدى قىسقا ۋاقىت ىشىندە ۇيىمداستىرۋدى جانە وسى ماسەلەنى جەكە باقىلاۋعا الۋدى سۇرادى.