سينوپتيكتەر 29 ماۋسىم مەن 1 شىلدەگە ارنالعان اۋا رايى بولجامىن جاريالادى. قازاقستاندا 42 گرادۋسقا دەيىن ىستىق بولادى دەپ كۇتىلۋدە.

"قازاقستاننىڭ كوپتەگەن وڭىرلەرىندە تەمپەراتۋرالىق فون جوعارىلايدى دەپ كۇتىلۋدە. بۇل يران اۋداندارىنان جىلى جانە قۇرعاق اۋا ماسسالارىنىڭ شىعۋىنا بايلانىستى.

تەك رەسپۋبليكانىڭ باتىسىندا شىلدەنىڭ العاشقى كۇندەرى نايزاعاي ويناپ، جاڭبىر جاۋادى. بۇل اۋا تەمپەراتۋراسىنىڭ تومەنەۋىنە ىقپال ەتەدى. تۇندە 17-22 گرادۋسقا دەيىن، كۇندىز 27-35 گرادۋسقا دەيىن جىلى بولادى.

رەسپۋبليكانىڭ سولتۇستىگىندە، شىعىسىندا جانە ورتالىعىندا اۋا تەمپەراتۋراسى تۇندە 15-22، كۇندىز 30-38 گرادۋسقا دەيىن كوتەرىلەدى. وڭتۇستىك وڭىرلەردە تۇندە اۋا تەمپەراتۋراسى 20-25، كۇندىز 35-42 گرادۋس جىلى بولادى" دەلىنگەن حابارلامادا.

بۇعان دەيىن قازاقستاننىڭ كوپتەگەن ايماقتارىندا قاتتى ىستىق سالدارىنان داۋىلدى ەسكەرتۋ جاريالانعان بولاتىن.