قازاقستاندا تۇراقتى تۇراتىن جەكە تۇلعالار ينفەكسيالىق جانە پارازيتتىك اۋرۋلارعا قارسى ەكپەلەردى الۋعا مىندەتتى، ولاردىڭ قاتارىنا كۆي-عا قارسى پروفيلاكتيكالىق ەكپە دە جاتادى. بۇل تۋرالى ادىلەت مينيسترلىگى مالىمدەدى.
مينيسترلىك حابارلاۋىنشا، ينفەكسيالىق جانە پارازيتتىك اۋرۋلاردىڭ پايدا بولۋى مەن تارالۋىنىڭ الدىن الۋ ماقساتىندا، دەنساۋلىق تۋرالى كودەكستە كوزدەلگەن سانيتاريالىق-ەپيدەمياعا قارسى ءىس-شارالاردىڭ ءبىرى پروفيلاكتيكالىق ەكپەلەر. وعان كوروناۆيرۋسكا قارسى ۆاكسيناسيا جاتادى. بۇل ۇكىمەتتىڭ 2020 جىلعى 24 قىركۇيەكتەگى № 612 قاۋلىسىنا سايكەس، كودەكستىڭ 85-بابى 4 جانە 8-تارماقتارىندا كورسەتىلگەن.
"مەديسينالىق قارسى كورسەتىلىمدەرى جوق ادامدار ءۇشىن كۆي-عا قارسى مىندەتتى ۆاكسيناسيالاۋدىڭ قۇقىقتىق نەگىزدەرى بار جانە بۇل "مەملەكەت ادامنىڭ ءومىر ءسۇرۋى مەن دەنساۋلىعىنا قولايلى اينالاداعى ورتانى قورعاۋدى ماقسات ەتىپ قويادى" دەگەن كونستيتۋسيالىق نورماعا سايكەس كەلەدى (كونستيتۋسيانىڭ 31-بابى). ادامنىڭ جانە ازاماتتىڭ قۇقىقتارى مەن بوستاندىقتارىنا كەپىلدىك بەرە وتىرىپ، كونستيتۋسياسى مۇنداي شەكتەۋدىڭ جول بەرىلەتىن شەكتەرىن بەلگىلەي وتىرىپ، ولاردى شەكتەۋ مۇمكىندىگىن جوققا شىعارمايدى. ادامنىڭ قۇقىقتارى مەن بوستاندىقتارىن جانە حالىقتىڭ دەنساۋلىعىن قورعاۋ ماقساتىندا عانا قۇقىقتار مەن بوستاندىقتار شەكتەلۋى مۇمكىن (كونستيتۋسيانىڭ 39-بابىنىڭ 1-تارماعى)" دەلىنگەن حابارلامادا.
پىكىر قالدىرۋ